Miti Mânec 51:11-19

¹¹Ʒâŋe maigaonec mi sârocnuzemec, â gore Tiri Mâro mi nowac roc.

¹²Bâbâpiaŋgere aŋac mocwâc heɋâre‐narec, â micrereŋte aafec bâfua‐narec.

¹³Eme no qaqatara ŋic hatage qazu‐jarepe, â sâqocne bapazi maŋjeŋic gorao bârisienʒepieŋ.

¹⁴Anutu, bâbâpiaŋ‐nanere Anutu, go soc rurua fuazacte baficnuc; eme nameŋ‐nanezi tiŋnegere mu ʒeri ezejec.

¹⁵O Wofuŋ, go bipic‐nane baandaŋnec, eme micnanezi mumuteŋge musokazejec.

¹⁶Go taha babagarere mi aŋacguekac; no bâzi rike‐garepe manatec mi sâckezac.

¹⁷Ŋicmaŋ busâqoczi kidapekicne irec Anutuzi maname taha bâzi fârine eocmu. O Anutu, ŋicmaŋ busâqoczi kidapekicne â bâuruŋkekicne i goki mi suŋgiŋkecmu.

¹⁸Aki anonocgere sâcko Zioŋ ehâmocnezemec; ehuc Jerusalemte qânâsac heɋârezemec.

¹⁹Eme taha bâzi jâmbâŋte aŋacguocmu, qowi bâzi â bâzi hâcbuc rikekicne, eme bulimakao ŋicne alatagao rike‐garezo.