Text copied!
CopyCompare
Kâte Bible - Miti Mânec - Miti Mânec 49

Miti Mânec 49:1-18

Help us?
Click on verse(s) to share them!
1Ŋicne ŋicne ŋoŋe dâŋ ʒi mananiŋ, mâreŋte ŋecjucfâc sasawa, hazec râeniŋ!
2Ŋic omane mecne, ŋicbomboŋ mecne, mafahec â hapetac mâmâc sasawa.
3Micbipic‐nanezi maŋɋârâŋ dâŋ mufuaocmu, maŋzi mana wosâehuc dâŋ hukicne bâwirickepemu.
4Mu qâqiŋ dâŋte hazec râepemu, musi fânâŋ manahuc kesaic dâŋnane mutaniŋkepemu.
5Ʒârâ hâriŋ dameŋko râsifâc‐nane jaŋe qaisocnuhuc jâpe orâŋ enarepie wemocko hâwicnuocmu?
6Ŋic i jaŋe mâriri‐jeŋicte mamanac jueŋgopieŋ, â mafa sâko‐jeŋicte penaroŋ eeŋgopieŋ.
7Ŋic moczi e jahacne kiwiric sâcne mi roocmu i! Â juju‐ticnere furi Anutu wâc mi bazucneocmu.
8Jujure furi i fekicne sâko, roipiehuc juha dameŋ omaeocmu.
9Irec juju sanaŋ sâcne mi juocmu, â nombâŋ geŋkeocte eipieocmu.
10Mamanahec jaŋe wâc hâmopie honeocmu, mutucne â kâpâne jaŋe mâmâc siroweniŋmu, ehuc moneŋ mafa‐jeŋic gâcne behe‐jareniŋmu.
11Jaŋacne ʒâŋezi mâreŋ sâko gâcne wase bambiŋ ŋic iŋucne jaŋe wâc ʒâŋeruŋzi ŋeŋe hae sanaŋ‐jeŋic eocmu, eme ira dameŋne dameŋne fohuc juniŋmu.
12Ŋiczi juju saricko mi jurahuc juocmu, e qowi siroweeŋgopieŋ jaŋere sâc.
13Ine mutuc erâ jaŋacne mamanac jueŋgopieŋ, jaŋere hata i hâcne; â wiac fojarekac irec mana biaŋkeeŋgopieŋ, jaŋe iŋucko tara‐jarezokac.
14Jaŋe lama iŋucne hâmoc haeo râec‐jopazo, eme hâmoczi soŋaŋ‐jeŋic eocmu. Ʒâŋeruŋko hupie sahac hawari‐jeŋic ʒaŋkeocmu, hâmoc haezi ŋeŋe juju‐jeŋic eocmu.
15Anutuzi ine maŋ qâqâtâc‐nanere kiwiric roocmu, ehuc hâmoc haere tâpirionec bataracnuocmu, eki hâcne no rocnuocmu.
16Irec ŋic moc e mafa sâkohec eocmuo, â gorewac‐ticnere ʒâŋe biŋe feocmuo, go irec mi mezacguzejec.
17E hâmohuc wiac moc mi amecke raocmu, â ʒâŋe biŋe‐ticnezi mi bâjâpeocmu.
18Moc e ɋâricne juhuc juju‐ticnere mana aŋac eocmu, â ɋiɋicne jume gâcnezi wâc muafeckeniŋmu,

Read Miti Mânec 49Miti Mânec 49
Compare Miti Mânec 49:1-18Miti Mânec 49:1-18