Miti Mânec 44:9-17

⁹Eme go sifu suŋgiŋ‐nâpohuc mimi faio râec‐nâpomeŋ, â momorifâc‐nâŋec mi qâtec‐jopameŋ.

¹⁰Goki manahaŋ râsifâc‐nâŋec wise‐jarembeŋ, eme jaŋe mafa wiac‐nâŋec nâwoc rombiŋ.

¹¹Goki enâretec lama hehezure biŋe jaŋere sâc embeŋ, â qâpuc gurune gurune jaŋerao bâtâtiec‐nâpomeŋ.

¹²Go ŋicfâcge wiac afecnere qikiŋ‐jopameŋ, furine ŋemâcne bazu‐gareniŋte mi mumeŋ.

¹³Goki manahaŋ mendâŋ‐nâŋecko juŋgopieŋzi âke sisic enâreeŋgopieŋ, ŋicguru rârec rârec mu ruruc enârehuc gâwie‐nâreeŋgopieŋ.

¹⁴Goki enâretec qâpuc ŋicne ŋicne jaŋere mu qâqiŋ embeŋ, â ŋicne ŋicne jaŋe mana wahac‐nâpohuc gâwie‐nâreeŋgopieŋ.

¹⁵Ŋafe ʒoaŋ sâc mimizi ŋecnukume, ʒâŋe mai‐nane bâsoŋkehuc dunduŋ dadape juekopac,

¹⁶i âke sisic â mumusoriŋ ŋic dâŋjeŋic manahuc juekopacte, â râsi â qaqaisoc ŋic honec‐jopahuc juekopacte iŋuc eekopac.

¹⁷Nâŋe gore mi nikec‐nâpoha, â ʒâʒâficge mi hetâcnehuc eatucguhapene, wiac sasawa i sifu fai‐nâŋecko fewec.