Miti Mânec 40:2-11

²E sisipiricte nombâŋkonec baefucnuwec, sohoŋ râqâcnaonec unucnuwec; erâ kike‐nane qânâ faio râeme âte ʒakiepo.

³E gae ɋâricne moc micnaneo râewec, Anutu‐nâŋecte mumuteŋ gae. I ŋic bocjahazi manarâ araŋ bacneniŋmu, erâ Wofuŋtao roweckeniŋmu.

⁴Ŋic moc maŋnezi Wofuŋtao roweckeocmu, â maŋfefe jaŋerao mi fohoreocmu, me burecŋic qac qâsoricne mi bâjâpec‐jopaocmu, ŋic iŋucnere manape ʒerine ekac.

⁵O Wofuŋ Anutu‐nane, go nâŋere manasuhuc mâsi â gie fuŋne fuŋne baekic i ʒarene fekac; ŋic me wiac moczi gohec sâc hehene mi ekac. No i muiŋ musawec ehuc binaŋne bazo mupe, sâcne mumufârene mi eocmu.

⁶Taha bâzi fuŋne fuŋnere mi egareekac, hazeczi dâŋ mamana ine bâfua‐naremeŋ; qowi hâcbuc ririke me sâqocnere taha bapa, i fua‐gareocte mi muekic.

⁷Eme mupo, “Manakic, no fisikopac, miti papiao nore dâŋ qâreŋkekicne fokac:

⁸Anutu‐nane, no micge reŋkepere aŋacnukac, â sâcmutâc dâŋge maŋnaneo fokac.”

⁹Bâbâpiaŋte biŋedâŋ tutumaŋ sâkoo mufuapo, no micbipic‐nane aka mi hecnepo, i Wofuŋ, go gahac manakic.

¹⁰No bâbâpiaŋ giegere dâŋ i maŋnaneo mi hefackepo, erâ‐eesanaŋgere â aki anonocgere biŋe mupo; no tutumaŋ sâkore maio buurucge â dâŋfârige mi hesoŋkepo.

¹¹O Wofuŋ, go buurucge mi sakare‐narec, aki anonoc â jauŋfârige izi ʒimicnu basanaŋ ezejec.