Miti Mânec 37:30-35

³⁰Ŋic tiŋne ere mickonec dâŋ fâri biaŋ wahaocmu, nameŋ‐ticnezi gie bame bâbâtiŋ fuaocmu.

³¹Anutu‐ticnere sâcmutâc dâŋ maŋticnao fokac, irec hata‐ticne biric boroc mi âteekac.

³²Ŋic sindaŋnezi tiŋne ruc bacneekac, â juju‐ticne sipirickeocte maŋkehuc juekac.

³³Meticnao feocte ine Wofuŋzi mi manaekac, dâŋgieo dâŋticne sâqorezacte aka wâc heekac.

³⁴Wofuŋte woŋec juhuc ere hatao ninipezemec, eki bafaharecgume mâreŋ rune ezokic, â sindaŋne jaŋe sirowepie hone aŋac ejarezokic.

³⁵Ŋic sindaŋne moc pepec sâko eme honehuc jupo, e ʒamana jâc iŋucne mâreŋ sâockerâ domawec.