6Eme ʒi qizec‐nane bâfeŋneme fehuc, râsifâc‐nane rârec bârârec jowarupemu, ehuc qoruc boze‐ticnao taha bacnepemu, â ʒeri bari ehuc bâzi rikecnepemu; Wofuŋ gae hecnehuc musi bacnepemu.
7O Wofuŋ, hahaŋne bahuc wirape manac, aki anonoc enarehuc micnaneo roc!
8Goki mumeŋ, “Ʒâŋe mai‐nane basarâ bâfuaniŋ.” Irec maŋnanezi ʒiŋuc gazakac: “Wofuŋ gore ʒâŋe mai bâfuapemurâ basakopac hâcne.”
9Ʒâŋe maige mi bâsoŋke‐narec, kiŋaŋŋicge no kimbeŋko mi bâsuecnuc. Baficnuhuc juekiczi mi behecnuc, go bâbâpiaŋte Anutu‐nane.
10Neŋgoc mamac jahe behecnupic, Wofuŋzi ine hefârocnukac.
11Wofuŋ, go hatagere fuŋne qazu‐narec, râsifâc‐nane jaŋere erâ hata jaŋgeŋnao jowacnuc.
12Guriŋnuniŋte harac eŋgopieŋ jaŋerao mi qikiŋnuc; micko âkec ŋiczi dâŋnane muŋgopieŋ hâcne, maŋʒoc‐jeŋiczi gâmâc gâfâŋ wefukac.
13No Wofuŋte uruc jauŋ honepemu i manakopac, jujune jaŋere mâreŋko hâcne.
14Wofuŋte woŋec juzemec; sasanaŋ bâfuarâ hâbige rozemec; jâmbomac Wofuŋte woŋec juzemec.
Miti Mânec 27
Miti Mânec 27:6-14