Text copied!
CopyCompare
Kâte Bible - Miti Mânec - Miti Mânec 147

Miti Mânec 147:8-19

Help us?
Click on verse(s) to share them!
8E karoraczi sambâŋ bâsâockeekac, ehuc mâreŋte biŋe hoe bâfuaekac, â tikio qinʒiŋ mume wefuekac.
9E qowi nânâ bâfua‐jareekac, kâec kâec motecne jaŋe wiracnepie iŋuc jaha ejareekac.
10E becâsic tâpiri‐ticnere aŋac mi manaekac, â ŋicte tâpiri wânʒâŋ hone aŋac mi eekac;
11e araŋ bacneeŋgopieŋ â aki anonoc‐ticnere mamanac jueŋgopieŋ, jaŋere ine aŋackeekac.
12Jerusalem, go Wofuŋ mumbiaŋkec, Zioŋ, go Anutuge ʒeri gae hecnec!
13E haesacgere motâc basanaŋkewec, â haemaŋgao ŋokâfâcge jambuŋ‐jopawec.
14E mâreŋgere mao wama bâfuawec, â nânâ fâri hândâŋne gumeqiŋguekac.
15E mumutâc dâŋticne mâreŋko soreekac, eme micdâŋ‐ticnezi ʒocnehec gasackeekac.
16E sinou soreme kateŋ iŋucne wahaekac, erâ wâc aisi uucne ʒafe tinac tieekac.
17E aisi hândâŋne qânâ hândâŋ tinac wickeekac, eme mâmâteŋ fuame mozi sanaŋkerâ domaocmu?
18Erâ ekizia mupaŋkeme aisi hândâŋzi opâ eekac, â mâŋâŋ‐ticne soreme opâ fusinehec fisiekac.
19E dâŋticne Jakobo mufuacnewec, Israezi dâŋsanaŋ â mumutâc dâŋticne manawec.

Read Miti Mânec 147Miti Mânec 147
Compare Miti Mânec 147:8-19Miti Mânec 147:8-19