Miti Mânec 136:4-25

⁴Buc mâsi sâko baekac e daŋge âzâcneniŋ; oc, aki anonoc‐ticne fofo sanaŋ fokac.

⁵Mamanaheczi sambâŋ bâfuawec e daŋge âzâcneniŋ; oc, aki anonoc‐ticne fofo sanaŋ fokac.

⁶Opâ faio mâreŋ qaratiewec e daŋge âzâcneniŋ; oc, aki anonoc‐ticne fofo sanaŋ fokac.

⁷Tatamac kâcɋene bâfuawec e daŋge âzâcneniŋ; oc, aki anonoc‐ticne fofo sanaŋ fokac.

⁸Hae fureha guriŋne baocte ʒoaŋ bâfuawec e daŋge âzâcneniŋ; oc, aki anonoc‐ticne fofo sanaŋ fokac.

⁹Hae ŋafeha guriŋne baniŋte mosa bâpiŋ bâfuac‐jopawec e daŋge âzâcneniŋ; oc, aki anonoc‐ticne fofo sanaŋ fokac.

¹⁰Aigita mâreŋko mârâc fufuafâc‐jeŋic jopawec e daŋge âzâcneniŋ; oc, aki anonoc‐ticne fofo sanaŋ fokac.

¹¹Ŋondeŋ‐jeŋickonec Israe kikefuŋ baefuc‐jopawec e daŋge âzâcneniŋ; oc, aki anonoc‐ticne fofo sanaŋ fokac.

¹²Mesanaŋ‐ticne bâfeŋnerâ iŋuc ejarewec e daŋge âzâcneniŋ; oc, aki anonoc‐ticne fofo sanaŋ fokac.

¹³Hâwec Bâbâroŋ bâfâuckeme jajahec epic e daŋge âzâcneniŋ; oc, aki anonoc‐ticne fofo sanaŋ fokac.

¹⁴Israe guru ejareme ʒâʒâŋiŋ jaha fotâcnembiŋ e daŋge âzâcneniŋ; oc, aki anonoc‐ticne fofo sanaŋ fokac.

¹⁵Farao â ŋicfâcne Hâwec Bâbâroŋko sâroc‐jopame humbiŋ e daŋge âzâcneniŋ; oc, aki anonoc‐ticne fofo sanaŋ fokac.

¹⁶Ŋicfâcne mâreŋ tuhuo jowac‐jopame rambiŋ e daŋge âzâcneniŋ; oc, aki anonoc‐ticne fofo sanaŋ fokac.

¹⁷Ŋicwofuŋ kâcɋene jopa jâpec ejarewecte daŋge âzâcneniŋ; oc, aki anonoc‐ticne fofo sanaŋ fokac.

¹⁸Ŋicwofuŋ ʒâŋe biŋehec qâhâmoc‐jopawecte daŋge âzâcneniŋ; oc, aki anonoc‐ticne fofo sanaŋ fokac.

¹⁹Amori ŋic jaŋere ŋicwofuŋ Sihoŋ qawecte daŋge âzâcneniŋ; oc, aki anonoc‐ticne fofo sanaŋ fokac.

²⁰Basaŋ mâreŋte ŋicwofuŋ Ogo qawecte daŋge âzâcneniŋ; oc, aki anonoc‐ticne fofo sanaŋ fokac.

²¹Erâ mâreŋ‐jeŋic merâfâc muhuc ŋicfâcne jarewecte daŋge âzâcneniŋ; oc, aki anonoc‐ticne fofo sanaŋ fokac.

²²Kiŋaŋŋic‐ticne Israe mâreŋ merâfâc râcnewecte daŋge âzâcneniŋ; oc, aki anonoc‐ticne fofo sanaŋ fokac.

²³Eki hâcne qarâ suriŋne juhapene manasuc‐nâpowec; oc, aki anonoc‐ticne fofo sanaŋ fokac.

²⁴Erâ râsifâc‐nâŋec jaŋere meonec batarac‐nâpowec; oc, aki anonoc‐ticne fofo sanaŋ fokac.

²⁵Eki hâcne wiac jujune sasawa nânâ gumec‐jopaekac; oc, aki anonoc‐ticne fofo sanaŋ fokac.