Mithali 8:8-32

⁸Maneno ya kinywa changu yote ni haki; hakuna kilichogeuzwa wala kupotoshwa.

⁹Maneno yangu yote yamenyooka kwa yule mwenye kuelewa; maneno yangu ni haki kwa wale wanaotafuta maarifa.

¹⁰Chagua fundisho langu badala ya fedha na maarifa kuliko dhahabu safi.

¹¹Maana mimi, hekima ni bora kuliko vito; hakuna unachokitamani kinaweza kulinganishwa na mimi.

¹²Mimi, hekima, naishi kwa utaratibu, na ninamiliki maarifa na busara.

¹³Hofu ya Mungu ni kuchukia uovu- nachukia majivuno na kiburi, njia ya uovu, na kauli iliyopotoka- hivyo ninavichukia.

¹⁴Ninaushauri mzuri na hekima sahihi; mimi ni busara; nguvu zipo kwangu.

¹⁵Kwa njia yangu wafalme hutawala- pia na waungwana, na wote ambao hutawala kwa haki.

¹⁶Kwa njia yangu wafalme hutawala na waungwana na wote wanaotawala kwa haki.

¹⁷Nawapenda wale wanaonipenda, na wale wanaonitafuta kwa bidii, wataniona.

¹⁸Kwangu kunautajiri na heshima, utajiri wa kudumu na haki.

¹⁹Tunda langu ni bora kuliko dhahabu, bora hata kuliko dhahabu safi.

²⁰Ninazalisha kilicho bora kuliko fedha safi. Natembea katika njia ya haki,

²¹katika mapito ambayo huelekea kwenye haki, ili niwape urithi wale wanaonipenda na kuzijaza hazina zao.

²²Yehova aliniumba tokea mwanzo- mwazoni mwa matendo yake ya nyakati za kale.

²³Tokea enzi za kale niliwekwa katika nafasi- tokea kwanza, tokea mwanzo wa dunia.

²⁴Kabla ya bahari, mimi nilizaliwa- kabla ya kuwepo chemchemi zenye maji tele.

²⁵Kabla ya milima na vilima kuwekwa, mimi nilizaliwa.

²⁶Nilizaliwa kabla ya Yehova hajaiumba dunia wala makonde, hata mavumbi ya kwanza katika dunia.

²⁷Nilikuwepo alipoziimarisha mbingu, wakati alipochora mstari katika sura ya kilindi.

²⁸Nilikuwepo alipoimarisha anga la juu na wakati wa kutengeneza kina cha chemchemi.

²⁹Nilikuwepo alipotengeneza mipaka ya bahari, ili maji yasisambae kuvuka pale alipoyaamuru, na wakati anaamuru misingi ya dunia sehemu ya kukaa.

³⁰Nilikuwa kando yake, kama fundistadi mkuu, na mimi nilikuwa furaha yake siku kwa siku, nikifurahi mbele zake daima.

³¹Nilikuwa nikifurahi katika dunia yake yote na furaha yangu ilikuwa kwa wana wa wanadamu.

³²Na sasa, wanangu, nisikilizeni, maana wale wazishikao njia zangu watakuwa na furaha.