Mithali 30:2-31

²Hakika nipo kama mnyama kuliko mwanadamu na sina ufahamu wa wanadamu.

³Sijajifunza hekima, wala sina maarifa ya Mtakatifu.

⁴Je ni nani amekwenda juu mbinguni na kurudi chini? Je ni nani aliyekusanya upepo kwenye mikono yake? Je ni nani aliyekusanya maji kwenye kanzu? Je ni nani aliyeziimarisha ncha za dunia yote? Jina lake ni nani, na jina la mtoto wake ni nani? Hakika unajua!

⁵Kila neno la Mungu limejaribiwa, yeye ni ngao kwa wale wanaokimbilia kwake.

⁶Usiyaongezee maneno haya, au atakukemea, na utathibitishwa kuwa mwongo.

⁷Vitu viwili ninakuomba, usivikatalie kwangu kabla sijafa:

⁸Majivuno na uongo viweke mbali nami. Usinipe umasikini wala utajiri, nipe tu chakula ninachohitaji.

⁹Maana nikipata vingi zaidi, nitakukana wewe na kusema, “Yehova ni nani?” Au kama nitakuwa masikini, nitaiba na kukufuru jina la Mungu wangu.

¹⁰Usimkashifu mtumwa mbele ya bwana wake, au atakulaani na utapata hatia.

¹¹Kizazi ambacho kinachomlaa baba yao na hakimbariki mama yao,

¹²kizazi hicho ni safi katika macho yao wenyewe, lakini hawajaoshwa uchafu wao.

¹³Hicho ni kizazi- jinsi gani macho yao yanakiburi na kope zao zimeinuka juu! -

¹⁴kuna kizazi ambacho meno yao ni upanga, na mifupa ya taya zao ni visu, ili waweze kumrarua masikini wamtoe duniani na mhitaji atoke miongoni mwa wanadamu.

¹⁵Ruba anamabinti wawili, “Toa na Toa” wanalia. Kuna vitu vitatu ambavyo havitosheki, vinne ambavyo havisememi, “Inatosha”:

¹⁶Kuzimu, tumbo tasa, nchi yenye kiu kwa maji, na moto usiosema, “Inatosha.”

¹⁷Jicho ambalo linamdhihaki baba na kudharau utii kwa mama, macho yake yatadonolewa na kunguru wa bondeni, na ataliwa na tai.

¹⁸Kuna vitu vitatu ambavyo vinanishangaza, vinne ambavyo sivifahamu:

¹⁹njia ya tai angani; njia ya nyoka juu ya mwamba; njia ya meli kwenye moyo wa bahari; na njia ya mtu pamoja mwanake kijana.

²⁰Hii ni njia ya mzinzi- anakula na kufuta kinywa chake na kusema, “sijafanya ubaya wowote.”

²¹Chini ya vitu vitatu dunia hutetemeka na vinne haiwezi kuvivumilia:

²²mtumwa anapokuwa mfalme; mpumbavu anaposhiba vyakula;

²³mwanamke anayechukiwa anapoolewa; kijakazi anapochukua nafasi ya mkuu wake.

²⁴Vitu vinne duniani ni vidogo na bado vinabusara:

²⁵mchwa ni viumbe ambao sio imara, lakini huandaa chakula chao wakati wa hari,

²⁶Wibari siyo viumbe wenye nguvu, lakini hutengeneza makazi yake kwenye miamba.

²⁷Nzige hawana mfalme, lakini wote wanamwendo wa mpangilio.

²⁸Kama mjusi, unaweza kumkunja kwa mikono yako miwili, lakini wanapatikana katika majumba ya wafalme.

²⁹Kuna vitu vitatu ambavyo ni fahari katika mwendo na vinne ambavyo ni fahari katika namna ya kutembea:

³⁰simba, aliyeimara miongoni mwa wanyama- wala hajiepushi na kitu chochote;

³¹jogoo anayetembea kwa mikogo; mbuzi; na mfalme ambaye askari wapo kando yake.