Mithali 2:10-20

¹⁰Maana hekima itaingia moyoni mwako na maarifa yataipendeza nafsi yako.

¹¹Busara itakulinda, ufahamu utakuongoza.

¹²Vitakuokoa kutoka katika njia ya uovu, kutoka kwa wale waongeao mambo potovu.

¹³Ambao huziacha njia za wema na kutembea katika njia za giza.

¹⁴Hufurahia wanapotenda maovu na hupendezwa katika upotovu.

¹⁵Hufuata njia za udanganyifu na kwa kutumia ghilba huficha mapito yao.

¹⁶Busara na hekima zitakuokoa kutoka kwa mwanamke malaya, kutoka kwa mwanamke anayetafuta visa na mwenye maneno ya kubembeleza.

¹⁷Yeye humwacha mwenzi wa ujana wake na kusahau agano la Mungu wake.

¹⁸Maana nyumba yake huinama na kufa na mapito yake yatakupeleka kwa wale walioko kaburini.

¹⁹Wote waiendeao njia yake hawatarudi tena na wala hawataziona njia za uzima.

²⁰kwa hiyo utatembea katika njia ya watu wema na kufuata njia za wale watendao mema.