Mithali 1:19-31

¹⁹Ndivyo zilivyo njia za kila ambaye hupata utajiri kwa udhalimu; mapato ya udhalimu huondoa uhai wa wenye utajiri.

²⁰Hekima inalia kwa sauti mtaani, inapaza sauti katika viwanja;

²¹katika mitaa inalia kwa sauti kuu, kwenye maingilio ya milango ya mji inasema

²²“Mpaka lini enyi wajinga mtapenda kuwa wajinga? Mpaka lini enyi wenye dhihaka mtapenda dhihaka, na hadi lini enyi wapumbavu, mtachukia maarifa?

²³Zingatia karipio langu; nitatoa mawazo yangu kwa ajili yenu; nitawafahamisha maneno yangu.

²⁴Nimeita, nanyi mkakataa kusikiliza; nimeunyosha mkono wangu, wala hakuna aliyezingatia.

²⁵Lakini mumedharau mafundisho yangu yote na wala hamkuzingatia maelekezo yangu.

²⁶Nitacheka katika taabu yenu, nitawadhihaki wakati wa kupatwa taabu-

²⁷hofu ya kutisha itawapata kama tufani na maafa yatawakumba kama upepo wa kisulisuli, taabu na uchungu vitawapata.

²⁸Halafu wataniita, nami sitawajibu; wataniita katika hali ya kukata tamaa lakini hawataniona.

²⁹Kwa sababu wamechukia maarifa na hawakuchagua kuwa na hofu ya Yehova,

³⁰hawakufuata mafundisho yangu na wakayadharau masahihisho yangu yote.

³¹Watakula matunda ya njia zao, na watashibishwa kwa matunda ya hila zao wenyewe.