Minbu 21:20-33

²⁰Bamoth phaicham alhung tauvinhichu Moab gamsung ahin Pisgahmun hiche apat chu Jeshimon lamki galdot ahi tai.

²¹Chuin Israel miten Moselamkaijin Amor mite lengpa Sihonhenga thu thot aneiyun ahi.

²²Keima hon nagam leiset chukapel thei diu ham keiho ching theitah a kachi diu chule lengpi lei laha kachi lou diu nangho tuikhuh ajong tui kadon lou diu ahi. Nangho gamkai sunga hi lengpa lamlen bou kaho pa diu ahi bouve, tin aseiyun ahi.

²³Ahinlah Amor mite lengpa Sihon chun Israel mite chu agamajotpa na diu chu aphal peh tapon, phalpih malah chun lengpa Sihonchu agalsat te chu akou khom inaboncha uvin gam thip laitah ahchun abulu tan Jahaz kiti mun achun aki bulu to tauvin ahi.

²⁴Isreal miten jong Amor mite chuale thuh un agam leiset ho jousejong atou pha tauvin, Arnon vadungapat Jabbok vadung gei Isreal mitechu Amon mite gamgi chan ahunggalkaijun Amon mite khopi chuhoitah a kigen kul ahijeh chunhiche munna chun ahung lhungtauvin ahi.

²⁵Hichun Isreal mite le Amonmiten agam le lei jouse alo sohtauvin Hesbon khopi ahin adangdang khovel ho jong atou phasohtauvin ahi.

²⁶Amor mite lengpa Sihon dinga Hesbon khopi ana hin Moab mitelengpa kulpi jong ana tou pha inchule Arnon vadung gei ana touphain ahi.

²⁷Mimasa hon Sihon thusim hoanajihlut un ahile Hesbon langapat nang ho hung umdol thusimchu hiche ahin Sihon khopi avellakitung doh kit ahiye.

²⁸Hesbon na kon in mei kongahung kong doh in Sihon kiti’akonin meikhu ahung khu doh in Maob khopi a Arnon um na Moabkhopi Arnon chu meikong in ahallhatai Arnon mite lah a sangtah a um hochu asuse taove.

²⁹Moab mite hi itabang gentheinan alhun khum hitam! Chemoshboh khup teho nangma akichai nahitai Chemosh in pasal ho um naneilou bang asoh tan a chanu tevang chu Sihon, Amor mite lengpakhut’a asoh achang tauvin ahi.

³⁰Eihon amaho chu Hesbon apat’a Dibon gei chu isuh chehtaovin, eihon amho chu Nophahapat Medeba gei chu ipum nochehtaovin ahi.

³¹Hiti ahi jeh chun Isreal miten Amor mite chenna gam alo khumtaovin ahi.

³²Mose’n phat chom khat jouvin Jaazer lam ah’a khol chedin asoltan Isreal miten hiche vel a khopi umjouse chu atou pha tauvin hikoma cheng Amor mite chu abon chauvin ano doh tauve.

³³Hichun Isreal mite aki nunghei taovin Bashan jotna lam ajontauvin, amavang Bashan lengpa Ogchun ama nam mite jouse chutoh Edrei mun ah ana bulhu uvin ahi.