Minbu 16:10-49

¹⁰Korah! Pathen in hi tobangkinthengtongdianasopite’u Levite toh na ngense jing lai’uva, Themputna jong na holbe uva nangaichat nahlai di’u ham? ati.

¹¹Nangho hin na doudal pentahuchu midang ahipon Pathen chu ahibouve, Aaron chu koi na hisah uvaama chung chang’a nang lungphatmo na vetsah jing uham?

¹²Hichun Mose’n Dathan chule Abiram ahin Eliab chateni chuajui din akou tai, ahinla amaho adatauvin, Keiho ka hung doh nom pouve.

¹³Ajeh chun Nangman Egypt gamsung khoiju le bongnoi lonna gamapatna neihin pui doh uva, tun hikomnelgam a thidoh dinga neikou’u ahiphaset talou ding ham? Nangma intuchan geija keiho chung a lengpavaipoh bang nga hi nei poh jingding’u ham?

¹⁴Ipi seibe ding um nalaija ham? Nang man Khoiju leh bongnoilon na gam natina alah neipui hihlaiyun, Keiho chenna ding gamla neipi pouvin, hon lei lhosohga konna ding gam lah aum pon, mingol bolla bol jing ding neigotnahlai uham, atiuve.

¹⁵Hichun Mose chu a lunghangtan Pathen komma hitin asei tai. Leviten chang minsa maicham imaahin choi teng, anasan datan, amaho akon imachacha ka lah aumkhapon, ama ho doumah ima chajong ka bolkhah aum poi, ati.

¹⁶Chu in Mose’n Korah kommahitinaseijin Jingnikhotengnangma na hin, na nung jui jousehilai munna na hung ki khop chehdiu, Pathen masang nga na din diu, Aaron jong hikomma hi hung ding ahi.

¹⁷Nangma nahin na nung juimi jani-le-somnga ho jouse chungimnamtui halnam na ding thaomeichu Pakai masang’a ahin kichoicheh diu, Aaron thempu pa jongama gimnamtui maicham halnading ahin kichoiya hung ding ahi, ati.

¹⁸Chu in amaho jousen maichammeihalna chu akilah cheh un, meikong chu ahal un Pathen maicham lutna phol lam a maicham phunga chun Mose le Aaron jongading khom lhon’e.

¹⁹Hiche phat don laitah chun Korah in mipi tam tah ahin tildohtan Mose le Aaron gotna pe ding inamaho jouse chu houbuh maichamleitol lutna laitah’a chun aki khomkhom tauvin ahi. Hiche Pathenloupina chu mipi holah’a hatah inahung kilang doh tan ahi.

²⁰Chuin Pakaiyin Mose le Aaronhenga thu aseijin ahi.

²¹Mipi ho lah’a kon in kinungkhin doh lhon tan ajeh chu amahohi aboncha uva gang tah’a ka suhmang ding ahi tai.

²²Amavang Mose le Aaron chutol lhamma amai anga hon tan, OPakai ati lhon in atao lhon tai. Pakai, Pathen nangma hinna nei jousesempa chu na hi. Mikhat chonsetnajeh mei meija mi jouse na suhgamjeng ding hitam ati lhon e.

²³Chu in Pakaiyin Mose henga thuaseiyin.

²⁴Khuti ahi leh Mipi ho chu seipehtan, Korah ahin, Dothan chuleh Abiram houbuh a konna kichon dohding’in seipeh in ati.

²⁵Chu in Mose chu a ding doh in Israel Upaho jao na in, Dothan le Abiram ki ngah na mumna pon buhlamma chun alhai tauvin ahi.

²⁶Mose’n mipi ho komma chungangtah in hiche migilou ho hengapat chun kikhin doh un chulenangman ama ho thilho jouse natham khah lou ding, natham khat leachonset jeh uva gotna nachan thei diu ahi.

²⁷Hichun mipi jouse chu Dothamle Abiram chule Korah khoi lu ponin na kon in a kikhin doh tauvinahi. Hi chun Dothan, Abiram leajite ho ahiuvin achate ho jousejaonan khoilu pon buh kisah naleitol la ahung un ahi.

²⁸Chuin Mose’n aseijin, Pakaiyineihin sol lona pentah katoh kaboldingho hi keima chang’a kaboltheilou ahi.

²⁹Hiche miho hi thi ngaina a athiuva, kivui ngai bang’a aki vui poupou uleh, Keihi Pathen hinsol kahilou himei hen.

³⁰Ahinlah Pathen, thilsoh thahkhat abol ding, Leiset in akamakah’a amaho chu anei agoujouse’u toh avel lhum di’u, chulehkotong sung’a chu khelut ding’uahi. Chuteng chu leh hite ho hin Pathen asu lunghang tauve tihi nahet doh thei diu ahitai ati.

³¹Mose’n hiche thucheng hoseichai man loulai jin, Leiset chuahung poh keh in ama ho noilam achun a joplha gam tauve.

³²Korah mite jouse jong aloi agolho chuleh anei agou abon cha uvinhiche leivui chun akam akah inabon cha uvin aval lhum soh heltai.

³³Hichun amaho ahing lai pum inlhankhuh chu ajon tauvin anei agouhou jouse toh avuh khum tha tauve, chule amaho jouse chu Israel mipite chilhah a kon in agamlha ahi tauve.

³⁴Mipi avel’a um jouse chu amahoka-le-mao awgin ajah phat un atijalheh jeng un; “Eiho jong Leiset hineivel lhum diu ahi tai” atiuve.

³⁵Pathen akon in mei ahung kong in, Pasal jani le somnga chu ahalvam soh tai.

³⁶Chuin Pakaiyin Mose henga thuasei jin.

³⁷Aaron thempupa chapa Eleazarseipeh tan, Amaho atheng ahi jehuchun, kipat untin gimnamtui kihalna lhengkong ho chu mei-am lah’akon in loidoh henlang, a mei-am hojong chu thaijah ta’u hen,

³⁸Hiche ahing’a chonset bolhonamanchahkilhaina Lhengkonghochuchomkhomuvinlang, Maicham khuna ding asin in semun, ajeh chu amahon Pathen lhainadia akatdoh sa’u ahin atheng akisim ahi. Chuleh Hiche thilsoh hi Israel chate adin melchihna hi jinghen.

³⁹Hichun Eleazar thempu panmi meijin akahvamho sum-englhengkong hochu achom khom in, Maicham phun khutup na sinkhadin akheng tai.

⁴⁰Hiche hin Israel mite jouse asuhchih ding, koi hita jong lehnganse’a um Aaron insung mitehilouchun Pathenangsung’agimnamtui hal dia lut loudiu ahi. A juilou chu Korah leh achilhah tebanga um ding ahi tihi Pathen in Mose komma aseisa ahi tai.

⁴¹Ahinlah ajing nikho’n Israel mitechun Mose le Aaron chu a oimo pankit tauvin, “Nang nin Pathen mitenathat lhon’e” atiuve.

⁴²Hiti chun mipite ho chun Mosele Aaron doudalna a, houbuh sung ano khum kigot laitah un Pathen loupina chu ahung kilang doh in, Meibol in ahin tom tai.

⁴³Mose le Aaron chu ahung lheilhontan houbuh masang’a adinglhon tan, ahi.

⁴⁴Chuin Pakaiyin Mose henga hitihin aseijin ahi.

⁴⁵Hi tobang mihem ho lah a kon inkikhin doh lhon tan keiman amahoaboncha uva ka suh gam dingahi tai. Mose le Aaron chu tol’ahabohkhup lhon tai.

⁴⁶Chu in Mose’n Aaron kommaasei jin nangman gangtah inmaicham meikhat chu la inlang, houbuh maicham sem inlang amaho din Pathen toh ki houchamloijin, ajeh chu gamna hise akipan tai.

⁴⁷Aron in Mose seibang chun abollin mipi te lah ah chu alhei lut in, gimnamtui ahal in mipi ho adinkilhaina abol in, alangsa gamnahise chu sutang ding agoi.

⁴⁸Aaron chun mihem athi lehahingho kikah ah palai jin ading inhichun pul chu atang tai.

⁴⁹Ahinlah pasal sangsom-le-sanglileh jasagi chu a thigam hel mantan hichu Korah chungchang jeh’athiho kisim thalou ahi.