Minbu 15:13-24

¹³Nang ho Israel mite hichemumna peng jousen Pathen hengnga gimnamtui maicham, napehteng ule hiche thupeh hohi najui’uangaiye.

¹⁴Koi tobang nangho kom akholjin mi aum ham ahi lou lehacheng den aum khah jong leh Amaho jong chun hiche dan hi ajuicheh diu ahi.

¹⁵Israel mite agam leiset munnapeng dan hihen gampam ma konhung pemlut mi hijong leh Pakaimitmu’a thakhatchehahiuve. Hijeh’a chu Dan khat noija umcheh ahiuve. Hiche hi nang ho diatonsotna jui dinga dan kisem ahinhichu najui diuva kipe ahi tai.

¹⁶Nangho ding hihen gamchom mihung pemlut ho hiu jong leh, Hichethupeh jui ding’a kigong hohi nabolcheh diu ahi.

¹⁷Pakaiyin Mose heng ah asei bekit in.

¹⁸Israelte chu anoija thupeh thuhilho hi seipeh tan, nangho ka pehnagam nalhun uva,

¹⁹Hiche gamsung gasoh ho nanehteng ule Pathen maicham ding jongna khen doh cheh cheh diu ahi.

²⁰Na lousoh mim le chang agamasa penchu changbong a na suhdiding changlhah lumma na sem dinghichu Pathen a dinga gamasa pen ahi jeh’a napeh doh ding ahi.

²¹Ahung lhung ding khonungkhang geija hiche maicham atheng Pathen hengnga pehdoh ding hi akumsih leh najui ding na lou gasohamasa pen chu na koidoh jing ding ahiye. Hetkhel Jeh’a Chonsetna Aum Teng Jui Ding Danpi

²²I-ham tia Pakaiyin Mose hengaathupeh chengse hi nahsahmo jehhilouva, hetthem lou jeh joh’a nasuhmil khah uva,

²³Khonung’a Na chilhah ho jengin jong Pathen thupeh ho a suhmilkhah uva,

²⁴Hiche suhkhelna chu mipijousen ana hetthem lou jeh ahi khahtahleh Israel mipi te chun Bongchalnou khat Pathen heng’a gim namtuithilto dia ato diu ahi. Chuleh Annehding thilto leh don ding thil to toh, chonset thilto adia kelnou khat atotha diu ahi.