4Dhali uni ’baar mo ’tu’dkunu mo ki Shi/in Dheleladhelel mo dhali ṯel gwo ’pen mo mmowal ’twan tiya mo mmo’bitha Shi/in uni is mo mmowal ’twa/ ki she/ ki she/ mo be.
5Dhali ’Kwani Yahuuda/ kun ’kon e Pa Urushaliim kun iiyin ’peni bampan tiya ’baar mo ki ’beles kun ’kon ’baame’da ’ceshi momis mo. Uni ta ’Kwani Yahuuda/ kun ḵo/kina Arumgimis mo.
6Ki to yan ciḵkunu mo tani awaambuhany ’kwani tulki isi monṯal ’de/ mo dhali dumbulkin kagahara mo haali/ aris ’kwani ’baar mo ciḵki uni ’twa/ mo mmowala uni ’twam buni ki she/ ki she/ ka ’deṯe/ ’deṯe/ mo.
7Dhali uni ’baar merkin kagahara mo dhali kulum gwo ibwa mo dhali o gwo mo ki: Hili ma. ’Kona uni ki ta ’Kwani gi Pany Jaliil ’taa aris uni ’baar kun o gwo kana?
8Dhali ana ciḵa gwo, aris ana ’baar ka ’deṯe/ ’deṯe/ ki ’twam bana ki she/ ki she/ uni kun dhotha ana manakan?
MII GUN MIINU MO 2
MII GUN MIINU MO 2:4-8