MII GUN MIINU MO 28:19-30

¹⁹Hili ki ’Kwani Yahuuda/ oki gwo ap̱o/ a’di mo tani aha/ ṯu’ckunu mo mmoyip̱ ’kup̱ ’kup̱ ka Kaysar mo, yisa mmotaka/ gi toŋ kamu/ jin miga/ yer ’kwani gi kal pem is ki gway mo yisa.

²⁰Haali/ gom moyer is ki gway yan tan a’di iyuḵkika/ um mmop̱araa/ e mo dhali mmoṯora ṯor nyaḵki aha/ mo haali/ goma ’teŋ kap̱e/ gi ’Kwani ma Israyiil mo tani aha/ deḵkunu ka jindhiir yan mo.

²¹Dhali uni oki gwo i a’di mo ki: Aman ’kokina ki bu’th gwo jin ’kwarkunu ’peni Pa Yahuudiyya gom /e walla ṯal ’deŋ kamu/ ’pena waḵ pini yisa di’da jin p̱u’dki’d imahan mo dhali mmoc̱i gwo walla mmo/o gwon tonthusa kamu/ ’de/ gom /e mo.

²²Hili aman ona ki a’di ’boro’d mmociḵ gwo ’peni /e a’di jin di /e i bwa wakan mo. Haali/ gom gwo gi c̱e yan mo tani a’di mishu mo ibwam aman ki gwo jin onu ap̱o/ a’di e mo ’baar mo.

²³Dhali ki uni karkina cim gom a’di mo tani uni ṯẖa’thkin i a’di mo e mo jin c̱a’bkina a’di mo. Dhali a’di ṯorki uni gwo eya tente/ mo mmoc̱i gwo gom Bampa/ ma Arumgimis mo dhali mmolal uni sho’k ki gwo mo goma Yesus mo ’peni gwoŋḵan ma Musa jin c̱inu mo dhali gwo gi imanc̱i gwo ma Arumgimis kadhamo/ mo si’da/ ’peni mon’thamo/ ntagi mom’peŋḵaskum mo be.

²⁴Dhali kun tiya gamki to gwan is mo kun ’kokunu mo mmo/oku mo dhali gun tiya ’koki gam gwo is mo be.

²⁵Dhali ki uni ’koki gam bwa me’d mo e bwam uni ’cena mo tani uni iikin mo, ’ko’da Buulus oki jasi gwoŋ kamu/ ṯal ’de/ mo ki: Gwo ona Shi/in Dheleladhelel ki ’bore/ eya Ishaya ka ji sho’k jin ta’da manc̱i gwo ma Arumgimis kadhamo/ mo ibabam bum mo

²⁶mmo/o gwo mo ki: Yayi /e mo ma e ’kwani gwansan mo dhali oyi gwo mo ki: Mmociḵa um a’di ki ciḵ gana/ mo tani um mini mol a’di ’ban ki tash tash mo dhali um mini par a’di e ka jiŋ gana/ mo tani um mini mol a’di nyiṯẖ ki ’bil ’bil mo.

²⁷Haala duŋ ’kwani gwansan dhethadhe’th mo dhali ’cem buni usa us ki pintir mo mmociḵ gwo mo dhali em buni mu’thkina uni mo isi ciki/ ki uni mini ’taki nyiṯẖ ki em buni mo dhali ciḵ ki ’cem buni mo dhali mish gwo ’ban eya dum buni mo dhali ’taki ṯu’k ’kup̱ ki aha/ mo jin miga/ ’taki wac̱ uni mo be.

²⁸Dhalki a’di mishu si’da/ mo e um ki mowoṯẖ yan ’peni Arumgimis hashkunu mo e ’kwani kun ’koki ta ’Kwani Yahuuda/ mo. Ki uni mini ciḵ si’da/.

²⁹Dhali ki a’di oki gwo gwansan mo tani ’Kwani Yahuuda/ iikin mo mmosu’kkina uni ki gwo ki nyanye/ e bwam uni ’cena mo be.

³⁰Dhali a’di c̱a’bki’d mmo’baar yil su/ mo e gu’b pitiŋ gana/ jin c̱ikina a’di aguurush mo mmoc̱a’bi cine/ mo dhali a’di bu’thki uni ’baar kun iiyini a’di mo be,