MII GUN MIINU MO 18:7-14

⁷Dhali a’di yaki’d ’peni mo yan mo mmoyaku/ e gu’b gi wathiŋ kamu/ jin yuḵu gway ka Ṯithiyus Yusṯus mo. A’din ’de/ yan luŋki’da Arumgimis mo jin ta gi gu’b jin ’dishi gu’b gi montulu is is mo be.

⁸Dhala Kirispus jin ta tap̱a gom gu’b gi montul is mo tani a’di gamki gwo is e Tap̱a nyaḵka ris kuŋ gu’b piti mo dhali ’Kwani gi Paŋ Kurinṯẖuus ka ris mo mmociḵa uni gwo mo tani uni gamki gwo is mo be dhali uni miikunu ki yi’de/ mo.

⁹Dhali Tap̱a oki’da Buulus gwo mo mon’thiny ki tonyjan ki: Dhalku/ is ki ḵo/ mo ma. Hili oyi gwo mo, dhali dhalku/ ki c̱a’b ki shwam mo ma,

¹⁰haali/ aha/ dina e /e mo dhali wathiŋ kamu/ midi mol /e seya p̱o/ mo mmomii /e ki shi/ mo, haali/ aha/ tana gi ’kwani ka ris e bampa/ yansan mo be.

¹¹Dhali a’di c̱a’bki’d imun ki yil mo dhali ka ppe ’kup̱i pe’de/ mo mmoṯor gwo ma Arumgimis e bwam uni mo be.

¹²Hili ka Ghaliyuun ta’da mudhiir gi Pa Aḵaa/iya mo tani ’Kwani Yahuuda/ ki bwan ṯal ’de/ mo tani uni ṯẖa’thkin mowa p̱o/ Buulus mo dhali sus a’di ibwambor ma ḵursi jin dwallu gwo mo

¹³mmo/o gwo mo ki: Wathi/ yansan lalki ’kwani sho’k ki gwo mmoluŋa Arumgimis ki mii kun ta kuny c̱a’ckon ap̱o/ gwoŋḵan jin c̱inu mo.

¹⁴Hili ka Buulus murki’di c̱ee ’twam piti mo tani aGhaliyuun ki o ’Kwani Yahuuda/ gwo mo ki: Waḵki/ ka jiŋ gana/ a’di midi ’taki ta mii shi/i’d mo walla mii jin ta jin thus mo dhali jin ta ji ma maḵa/ gany mo tani ayy um ’Kwani Yahuuda/ mo, adu midi ’taki ṯucaa/ mmo’taki gu is ’peni um mo.