MII GUN MIINU MO 18:2-8

²Dhali a’di gamki Wathi/ Yahuudaŋ kamu/ jin yuḵu gway ka Akiila jin ta wathi/ gi Pam Punṯus jin dhodhu mo jin daḵa p̱u’dki’d mo ’peni Pa Ithaaliya ki ’dishe/ nyaḵki ashim piti jin ta’da Piriskilla mo, haala Kuludiyuus ḵanki’da ris ’Kwani Yahuuda/ gwo mo mmo/ii ’peni Pa Ruumiya mo dhali a’di p̱u’dki’d e uni mo.

³Dhali haali/ a’di ta’da mannyaḵ to mii ki uni mo tani a’di nyaḵ c̱a’b ki uni mo dhali uni miiki to mo haala ṯu’c buni ta’da ṯu’c mmota imansho gu’b burrinye/ mo be.

⁴Dhali a’di ṯorki’da ṯor ka ḵarambuye/ e gu’b gi montul is gi ’Kwani Yahuuda/ ka risa cim ma pesu/ mo dhali a’di mala ’Kwani Yahuuda/ ki gwo mo dhali ’Kwaniŋ Griḵi mo be.

⁵Hili ki iSila dhala Ṯimuṯẖawuus p̱u’dkin ka luŋgu’b mo ’peni Pam Makiduniyya mo tani aBuulus doshki’da po/ gwo mo mmoṯor gwo eya tente/ gom ’Kwani Yahuuda/ mo ka Yesus yan ta’da Ḵrisṯẖos mo be.

⁶Dhali ki uni roc̱ki gwo ki is buni mo dhali walki gwo sor mo tani a’di pirki burrinyem piti mo dhali o uni gwo mo ki: Dhalka bas bum di’di ’bam bum mo ma, um ’cena ki is bum mo. Haali/ aha/ tana jin dheleli’d mo. ’Pena cim yansan ki sule/ mo tani aha/ mina ya mo e ’kwani kun ’koki ta ’Kwani Yahuuda/ mo be.

⁷Dhali a’di yaki’d ’peni mo yan mo mmoyaku/ e gu’b gi wathiŋ kamu/ jin yuḵu gway ka Ṯithiyus Yusṯus mo. A’din ’de/ yan luŋki’da Arumgimis mo jin ta gi gu’b jin ’dishi gu’b gi montulu is is mo be.

⁸Dhala Kirispus jin ta tap̱a gom gu’b gi montul is mo tani a’di gamki gwo is e Tap̱a nyaḵka ris kuŋ gu’b piti mo dhali ’Kwani gi Paŋ Kurinṯẖuus ka ris mo mmociḵa uni gwo mo tani uni gamki gwo is mo be dhali uni miikunu ki yi’de/ mo.