MII GUN MIINU MO 18:13-17

¹³mmo/o gwo mo ki: Wathi/ yansan lalki ’kwani sho’k ki gwo mmoluŋa Arumgimis ki mii kun ta kuny c̱a’ckon ap̱o/ gwoŋḵan jin c̱inu mo.

¹⁴Hili ka Buulus murki’di c̱ee ’twam piti mo tani aGhaliyuun ki o ’Kwani Yahuuda/ gwo mo ki: Waḵki/ ka jiŋ gana/ a’di midi ’taki ta mii shi/i’d mo walla mii jin ta jin thus mo dhali jin ta ji ma maḵa/ gany mo tani ayy um ’Kwani Yahuuda/ mo, adu midi ’taki ṯucaa/ mmo’taki gu is ’peni um mo.

¹⁵Hili waḵki/ um ta gi gwondoṯ gom gwon tiya mo dhali gwaya tiya mo dhali gom gwoŋḵan bum jin c̱inu mo tani hili gwo gom a’di um ki is bum mo ma. Aha/ dinaki ta gi bwa mmota amandwall gwo gom gwo gwansan mo be.

¹⁶Dhali a’di urki uni ’pena ḵursi jin dwallu gwo mo.

¹⁷Dhali uni ’baar mo ’ce’dkina Susṯaniis me’di is mo a’di jin ta tap̱a gom gu’b gi montul is mo dhali uni ki dor a’di mo dhali sus a’di e bwambor ma ḵursi jin dwallu gwo mo. Dhala Ghaliyuun dina gwo ki di ibwa gom ton ṯal ’deŋ kamu/ gwansan mo be.