MII GUN MIINU MO 13:1-6

¹Dhali kun tiya ’kon e Pa Anthaakiya eya ḵaniisa jin di’d imun kun ta imanc̱i gwo mo dhali imanṯor gwo mo: iBarnaaba dhala Simaan jin yuḵu ka Nijar mo dhala Luḵiyus gi Paŋ Kerawaan mo dhala Manaayin jin ta’da amannyaḵ c̱a’b ka Hirodus jin ta’da mudhiir dhala Shawuul mo.

²Dhali ki uni tul is mmoluŋ Tap̱a mo dhali ga/ to mo tani Shi/in Dheleladhelel oki gwo mo ki: Dhuyi iBarnaaba dhala Shawuul ki she/ gom aha/ mo goma ṯu’c jin yuḵga/ uni mmomii mo.

³Dhali ki uni ga/ to mo dhali ’tho mo dhali dhu me’d buni ap̱o/ uni mo tani uni ki hash uni mo mmo/ii mo be.

⁴Wakan be uni mmohasha Shi/in Dheleladhelel uni mo tani uni iikin ka luŋgu’b mo ntagi Pa Saluukiya mo dhali ’peni mun mo tani uni ki ii mo ka ḵur yi’de/ jin bela ’tham mo ntagi Paŋ Kuprus mo.

⁵Dhali ki uni ’kon e Pan Salamiis mo tani uni c̱i gwo ma Arumgimis e gu’b montul is gi ’Kwani Yahuuda/ mo. Dhali uni tan ga Yohaan si’da/ jin woṯẖi uni mo.

⁶Dhali ki uni ’ciṯẖkin isi bwaman ma ’cesha kunn is ki tur mo ntagi Pam Pap̱uus mo tani uni gam wathiŋ kamu/ jin ta gi e ma rum jin shi/ashi/ mo dhali jin ta’da manc̱i gwonthus mo dhali jin ta Wathi/ Yahuuda/ si’da/ jin yuḵu gway ka Baryashuu mo