Mgo Hinimuan 2:23-29

²³No soini dod si Hisus no imparakop no imbogoy on kaniu. Di tahan no nataga ka Magboboot to ogmonuon now si Hisus. Woy tuud to Magboboot to ogkatuman on ka sikan. No impohimatayan now on si Hisus to mgo otow no waro mogsimba to Magboboot woy inlansang dan on sikandin dio to krus.

²⁴Di pig–uyag on to Magboboot si Hisus ligkat to kamatayon din su kono man ogkohimu ko kono ogkouyag sikandin.

²⁵Ian su duon ingkasulat dongan ni Dabid tongod to kagi ni Hisus to, ‘Ungod ad ogtangko to Magboboot. No duon sikandin kai to kawanan ku no ogbulig kanak oyow kono ad ogkasasow.

²⁶Sikan ian to ogkarago a lagboy no ogpokouwang ad on to igkarago ku. Dakol ka im–imanan ku su, agad ogkamatoy a

²⁷di kono a nu og–ongkoran dio to Hadis no ian ka ugpaan to mgo nammatoy, woy su kono ka ogbogoy ko ogkamolu ka lawa ku no ian ka Matuwarong no Suguanon nu.

²⁸Intuon nu kanak ka dalan no ogpakabogoy to kouyagan no waro katamanan. Narago–dago ka goinawa ku su duon ka kai to kanak.’ ”

²⁹No kagi ni Pedro to, “Nò mgo sulod, ogpakanangon a kaniu to waro igduwaruwa ku to si Dabid, namatoy on dongan no insabal on. No taman kuntoon, duon dod man ka sabalanan din kai to kanta. Di ian to innangon ni Dabid ka sikan, su dongan, talagnangon sikandin to kinagian to Magboboot. No nataga si Dabid woy impanoy rin innangon ka pogkouyag ni Kristu uromo ligkat to kamatayon din. Ian su natagaan din ka insabut woy nigpangulibot ka Magboboot kandin to duon ogpokouma uromo no kapunganan din no ogkohimu on no lagboy no igbuyag woy ogkabogayan on to pandatuan din. Kagi rin to, “Waro ongkori dio to Hadis no ian ugpaan to mgo nammatoy, woy songo waro mamolu ka lawa rin.”