Mga Binoatan 10:25-29

²⁵Pagabot ni Pedro, ginsolang-solang tana ni Cornelio kag naglood agud simbaun tana.

²⁶Piro ginpatindug tana ni Pedro kag magkoon, “Pagtindug, ay ako tao ra lang.”

²⁷Kag padayon andang sogidanun mintras nagasulud sanda sa balay, kag doto sa sulud nakita ni Pedro nga dorong tao ang nagatiripon.

²⁸Makon ni Pedro kananda, “Kamo mismo nakaulam nga kami nga mga Judio ginabawalan amun riliyon nga magbisita okon magpakigkaiban sa mga bukun Judio. Piro ginpasanag kanakun ang Dios nga indi ko dapat kabigun nga marisna ang bisan sino nga tao.

²⁹Gani pagpasogo nindo kanakun nga magayan digi, ara ako magriklamo. Piro dadi gosto ko nga maulaman kon basi ginpatawag nindo ako.”