20Yan minikagi se telaki, “Miglalang den se menge Judiyo te memoyò dan kamno amon ibingen no si Tiyò doton te tiponanan te obanen te simbahan kealdaw. Megpelingo-lingo dan te doen pa insaen dan diyà kandin.
21Meneng ikà egpemenal kandan, so lampas te kelowan se otaw megbangan kandin doton te dalan. Migpepekangay dan te eked dan kaen singed aw imetayan dan si Tiyò. Neketagad den dan aw tegadan dan olò se pegsogò nikaw.”
22Minikagi se kapitan, “Ikà eg-indan diyà te doma te mig-indan ka den kanak.” Penga niyan, impekesayo din se telaki sìyan.
23Penga niyan, impeangay te kapitan se dowa serhinto, aw minikagi diyà kandan, “Tiponi niyo se dowa gatos sondalo mipanaw, aw kepitowan sondalo somakay te kodà, aw dowa gatos mengibing te dilek amon meketagad dan, so mesayo kaw kwani alas nowibi te delem pesalo doton te Sesarya.
24Pesekayi si Pablo diyà te kodà. Imendayi niyo se pegtonggò kandin amon wedad medaet domateng kandin lamig domateng doton te gobirnador si Felis.”
25Doen heman solat impeibing te kapitan, kagi niyan,
Menge Ininang 23
Menge Ininang 23:20-25