Men Rom 6:5-15

⁵Pwe ma kitail kaparoki on i ni a matala, nan kitail pil pan paroki on i ni a iajadar.

⁶Pwe kitail ajaer, me atail aramaj marin ian kalopuelar, pwe war en dip en mokonaidier, pwe kitail jolar papa dip.

⁷Pwe me melar, maiodar jan dip.

⁸A ma kitail ian Krijtuj matalar, nan kitail kamelele, me kitail pil pan ian i ieiajata.

⁹Kitail aja, me Krijtuj kotin iajadar jan ren me melar akan, ap jolar pan pur on matala; mela jolar pan poedi i.

¹⁰Pwe ni a kotin matalar, a kotin matalar pan metapak pweki dip, a ni a kotin ieiajata, a kotin ieiajadan Kot.

¹¹Iduen komail, komail en wia kin komail me melar jan dip, ap memaur on Kot ren Krijtuj Iejuj.

¹²Ari, komail ender mueid on dip, en kaunda war omail luet; pwen papa a inon jued akan.

¹³Komail pil der mueid on dip o kokon omail akan, pwen men wia japun a komail mueid on Kot pein komail, duen me kamauradar jan ren me melar akan, o kokon omail akan en papa me pun on Kot.

¹⁴Pwe dip jota pan kak poe komail edi, pwe komail jolar mi pan kapun, pwe pan mak.

¹⁵Ari da, kitail en wia dip, pwe kitail jolar mi pan kapun, a pan mak? O jo!