Men Rom 3:11-27

¹¹Sota me lolekong amen, sota me kin rapaki Kot.

¹²Karos me sapunglar, irail wiaki eu mamalar, sota meamen, me kin wiada me mau, sota amen.

¹³Tapin wor arail me rasong sousou eu, me saikenta sarep pena, lo arail me re liliapaki, wini en kamela mimi ni oton ngi arail;

¹⁴Au ar me dir en lalaue o katik,

¹⁵Nä arail me marara ong kamela aramas;

¹⁶Nan al arail me dir en sued o mauk;

¹⁷A al en popol me re sasa;

¹⁸Re sota kin masak Kot.

¹⁹A kitail asaer, me kapung o lolok ong, me kin papa kapung pwe au karos en sapaimokid o sappa pon lodi ong kadeik en Kot.

²⁰Ari mon Kot sota uduk me pan pung kila a wiawia kapung, pwe kapung me dip kadiarok kidar;

²¹A ansau wet pung en Kot sansaledar likin kapung o kadede kidar kapung o saukop akan.

²²A pung en Kot me pwili sang poson Iesus Kristus, ap lel ong karos me poson.

²³Pwe sota lipilipil, karos me wiadar dip o sota kak konodi lingan en Kot.

²⁴Irail pan pung kila a mak sapan, pweki en Kristus Iesus a kotin dore kitail lar,

²⁵Me Kot kotin kasansaledar en wiala mol en kalangan ni poson nt’a, pwen kasansaleda a pung ni a kotin lapwada dip en mas akan, me mier pan papadake en Kot.

²⁶A ansau wet a kotin kadededa a pung. Ieteten, me pein i me pung, ap pan kotin kapungala karos me poson Iesus.

²⁷Ari, ia men suaiki? A lokidokilar! Ren kapung da? En wiawia kan? Kaidin, a ren kapung en poson.