Men Rom 3:1-8

¹ARI, da me Sus akan paieki mon me tei kan de da kadepan sirkomsais?

²O me toto, ni song karos; iet kaieu: Masan en Kot akan kanikid ong irail.

³A ma akai soposon a pil menda? Pwe ar soposon pan kak kawela kalangan en Kot?

⁴O so! Pwe Kot udan melel, a aramas karos me likam duen a intingidier: Ir eta me pung ni ar masan akan, o komui pan kotin poedi ni ar pakadeikada.

⁵A ma atail sapung kaindinda pung en Kot, da me kitail en inda? Dadue, Kot me pil sapung, pweki a kotin ongiong kida? I kin lokaia ni tiak en aramas.

⁶O so! Pwe ma iduen, Kot pan kak kadeikada sappa?

⁷Pwe ma melel en Kot pwai kida ai likam kan, pwen kalinganada i, menda i pan pakadeikada, dene dipan amen ngai?

⁸A so mau ong duen at indand sued, pwe akai kin inda, me dene kit kin padaki wei: Kitail en wiada me sued, pwen kareda me mau? Nan arail kalokolok me pung.