7Ranamau on Andronikuj o Iuniaj, kompoke pai kan o me ian ia jalidi, me majamaj ren wanporon akan, me jau on Krijtuj mo i.
8Ranamau on Apliaj, me kompoke pai ren Kaun o.
9Ranamau on Urpan, jauaja pat ren Krijtuj, o Jtakij kompoke pai.
10Ranamau on Apelej, me dadaurata ren Krijtuj, ranamau on toun im en Arijtopuluj.
11Ranamau on Erodion kompoke pai. Ranamau on toun im en Narjijuj, me papa Kaun o.
12Ranamau on Tripäna o Tripoja, me papa Kaun o. Ranamau on kompoke pai Perjij, me porijok ni a dodok on Kaun o.
13Ranamau on Rupuj, me pilipildar ren Kaun o o in a pil in ai.
14Ranamau on Ajinkrituj, Plekon, Ermaj, Patropaj, Ermej o ri atail akan, me mi re ’rail.
15Ranamau on Pilolokuj, o Iulia, o Nereuj, ri ai li, o Olimpaj, o jaraui kan karoj, mi re ’rail.
16Komail ranamauki pena metik jaraui. Momodijou en Krijtuj akan kin ranamau on komail.
17Ari, ri ai kan, i panaui komail, komail en kileledi, me kin kamueit pajan o kamakar momodijou palian padak o me komail aleer; komail ari muei jan irail.
18Pwe jon pukat jota kin papa atail Kaun Iejuj Krijtuj, a pein kaped arail o kotaueki ar kadek lokaia o widin monion en me lelapok kan.
19Pwe omail peik me indand jili lel penan aramaj karoj. I me i peren kida komail. A i men, komail en koiokki on me mau kan, ap jokoiokki on me jued akan.
20A Kot popol pan kajuk pajan Jatan pan nä omail eden. Mak en atail Kaun Iejuj Krijtuj en mimieta re omail!
21Timoteuj ai warok en dodok, o kompoke pai ko Lujiuj, o Iajon, o Jojipater kin ranamau on komail.