MELKAHKAHN MELKAHKA KAN 5:1-12

¹Ei mwohnlimpoak, oh ei lih kamwohd, I pedolongehr nan ei mwetuwel. I dandar ei warpwohmwahu oh mir; I kangkang ei sukehn loangalap; I niminim kenei wain oh milik. Lihen Serusalem kan Kumwa konot, kumwa me limpoakpene, oh konokonot wain lao kumwa luhmwuhmwkihla sapwellimamwa limpoak!

²Nindokon ei memeir, mohngiongi wie pepehd. I ouraman duwen ei mwohnlimpoak eh letelet ni wenihmwo. Ohlo Lao kompoakepahi, oh ei mwohnlimpoak, mweidohng ie mahs pwe I en pedolong. Moangeiet wisekesengkilahr pwoaik en ninsohrahn oh pitenmoangei kat pil wisekesengkilahr lemwulemwur en ninsohrahn.

³I kihsangehr ei likou kan; dahme I pahn pwurehng likoukihda? I widendahr nehi kat; dahme I pahn pwurehng kasaminehkihla?

⁴Ei mwohnlimpoak doake wenihmwo, oh loalei mwekidkihda eh mihmi limwahi.

⁵I onopadahr I en kasamwohlong loale. Pehi kat pwohtik pwohmwahuki mir, sendin pehi kat wisekesengki pilen mir, ni ei kapir mehn kepir en wenihmwo.

⁶Ngehi eri ritingada wenihmwo ong ei mwohnlimpoako, ahpw e solahr mie, e samwalahr. Ia uwen ei men rong ngile! I rapahki, I ahpw sohte diar; I likwerih, ahpw sohte me sapeng.

⁷Silepen kahnimwo diariehda ni ar doudouseli; re poakihiehdi oh kauweiehla; sounsilasil ko ni ewen kelen kahnimwo tehrasang ei koaduhpwel.

⁸Lihen Serusalem kan, kumwail inoukihong ie, ma kumwail diar ei mwohnlimpoako, kumwail pahn ndaiong me I luwetkilahr ei limpoak.

⁹Kowe, me keieu kaselel nanpwungen lih akan koaros, ia duwe, omw mwohnlimpoako, e wekisang ohl teikan koaros? Dahme nohn kaselel reh me se en wiahkihong uhk at inou?

¹⁰Ei mwohnlimpoako me silang mwahu oh kehlail; ih me keieu wadawad nanpwungen mwahnakapw nen.

¹¹Silangio me pwukapwuk oh medendel; pitenmoange pikosalap, toantoal duwehte menpihr me adaneki reipen.

¹²Pwoaren silangio me kaselel rasehng mwuroi kan limwahn piletik, mwuroi me duhduhki pilen milik oh kesikesihnen limwahn piletik.