Text copied!
CopyCompare
Pohnpeian Bible with Apocrypha - Melkahkahn Melkahka Kan - Melkahkahn Melkahka Kan 1

Melkahkahn Melkahka Kan 1:2-12

Help us?
Click on verse(s) to share them!
2Komw kin metik wasa koaros ni paliwereiet; omwi limpoak me inenen iou sang wain.
3Mwaromwi kin katamandohng ie pwohmwahu en kalepemwi; sohte lih emen kak katokihedi eh limpoakohng komwi.
4Komwi ketikiniehda, kita eri tangdoaui; komwi en wiahla ei nanmwarki oh ketikiniehla nan sapwellimomwi pere. Kita pahn pereperenpene, sak wain, oh kalakalapwungki ata limpoak. Iei me lih koaros kin limpoak kihong komwi!
5Lihen Serusalem kan, I me toantoal ahpw masamwahu, toantoal rasehng impwal kan nan sapwtehn en Kedar, ahpw kaselel rasehng kahdeng kaselel kan nan tehnpesen Solomon.
6Kumwail dehr wiahkin ie me I me sakanakan pwehki pohn kiliet, pwe karakar en ketipin me kahrehda. Riei ko me lingeringerda pahi oh itonehng ie I en doadoahk nan mwetin wain. Ihme kahrehda sohla ei ahnsoun apwalih paliwereiet.
7Ei mwohnlimpoak, ndahdo mahs, Ia wasa me komw pahn kamwenge ie noumwi sihpw kan? Ia wasa re pahn rukusang ie karakar en ketipin ninsouwas? Dahme I en rapahkinkomwihki nanpwungen silepen sihpw teikan?
8Kowe me keieu kaselel nanpwaungen lih akan, ia duwe, ke sohte ese wasao? Idawehnowei pelin sihpwo; rapahkihda wasa me noumw kuht kan pahn mwenge ie limwahn impwal kan en silepen sihpw kan.
9Kowe, ei mwohnlimpoak, ohl akan kin mwasimwasingkin uhk, rasehng oahs wol akan ar kin inangih oahs lih kaselel me kin tangahki tehnweren Parao werennansapw en mahwen kan.
10Pitenmoangomw lingan pohn likin sepomw oh mwotoudi ni tepinweromw rasehng kisin takai kesempwal kan.
11Se pahn wiahiong uhk ehu elin sihn kohl me silper pahn kapwata.
12Ei nanmwarki ketin kipekip nan mwoale, oh pwohmwahu en ei leh kipehdi wasa.

Read Melkahkahn Melkahka Kan 1Melkahkahn Melkahka Kan 1
Compare Melkahkahn Melkahka Kan 1:2-12Melkahkahn Melkahka Kan 1:2-12