MELKAHKA KAN 94:2-19 in Pohnpeian

² Kom kotida, komui jaunkapun en jappa, kom kotin depuk on wiawia en me aklapalap akan.

³ Main Ieowa, arai da me doo jan Kot akan, arai da me doo jan Kot akan pan poponmaju,

⁴ O pudupudada lokaia jued o arai da, me japun kan karoj en juaiki ar morjued?

⁵ Re kin tiakedi japwilim omui aramaj akan, o re kame omui jojo;

⁶ Re kin kamela li odi o men wai, o patik takain wor en me japoupou kan,

⁷ Rap inda: Ieowa jota kak kilan, o Kot en Iakop jota pan aja due.

⁸ Komail me pweipwei nan pun en aramaj akan, en dedeki! O komail lolepon akan, iad me komail pan lolekonala?

⁹ Me kotin wiadar jalon, o a jota pan ereki? Me kotin wiadar por en maj o, a jota pan kak majani?

¹⁰ Me kin kotin kaunda wei kan, a jota pan kaloke? Pwe i me kotin kalolekoni aramaj.

¹¹ Ieowa kotin mani lamelam en aramaj akan, me re aklapalap.

¹² Meid pai ol o, me kom kotin kaloke, Main, Ieowa, o me kom kotin padaki on jan nan ar majan akan.

¹³ Pwen kanonama ni a apwal akan, lao joujou en me doo jan Kot akan pan weweida.

¹⁴ Pwe Ieowa jota pan kotin kajela japwilim a aramaj akan, o a jota pan muei jan a jojo.

¹⁵ Pwe me pun, pan punpuneta, i me lelapok kan karoj pan weweideki.

¹⁶ Ij me pan jauaja ia on me morjued akan? O ij me pan jauaja ia on me dipan akan?

¹⁷ Ma Ieowa jota kotin jauaja ia, metar ekij nen i pan kolan wajan kapormen.

¹⁸ Ni ai indada: Nä i pan krijedi, omui kalanan, Main Ieowa, pan kolekol ia.

¹⁹ Ai injenjued laud nan monion i, a omui kotin kamait ia la kaperenda nen i.

² Kom kotida, komui saunkapung en sappa, kom kotin depuk ong wiawia en me aklapalap akan.

³ Maing Ieowa, arai da me doo sang Kot akan, arai da me doo sang Kot akan pan poponmasu,

⁴ O pudupudada lokaia sued o arai da, me sapung kan karos en suaiki ar morsued?

⁵ Re kin tiakedi sapwilim omui aramas akan, o re kame omui soso;

⁶ Re kin kamela li odi o men wai, o patik takain wor en me sapoupou kan,

⁷ Rap inda: Ieowa sota kak kilang, o Kot en Iakop sota pan asa due.

⁸ Komail me pweipwei nan pung en aramas akan, en dedeki! O komail lolepon akan, iad me komail pan lolekongala?

⁹ Me kotin wiadar salong, o a sota pan ereki? Me kotin wiadar por en mas o, a sota pan kak masani?

¹⁰ Me kin kotin kaunda wei kan, a sota pan kaloke? Pwe i me kotin kalolekongi aramas.

¹¹ Ieowa kotin mangi lamelam en aramas akan, me re aklapalap.

¹² Meid pai ol o, me kom kotin kaloke, Maing, Ieowa, o me kom kotin padaki ong sang nan ar masan akan.

¹³ Pwen kanongama ni a apwal akan, lao sousou en me doo sang Kot akan pan weweida.

¹⁴ Pwe Ieowa sota pan kotin kasela sapwilim a aramas akan, o a sota pan muei sang a soso.

¹⁵ Pwe me pung, pan pungpungeta, i me lelapok kan karos pan weweideki.

¹⁶ Is me pan sauasa ia ong me morsued akan? O is me pan sauasa ia ong me dipan akan?

¹⁷ Ma Ieowa sota kotin sauasa ia, metar ekis ngen i pan kolang wasan kapormen.

¹⁸ Ni ai indada: Nä i pan krisedi, omui kalangan, Maing Ieowa, pan kolekol ia.

¹⁹ Ai insensued laud nan mongiong i, a omui kotin kamait ia la kaperenda ngen i.

² Komwi me sounkopwung en aramas koaros; komw ketida oh ketikihong me aklapalap akan dahme konehng irail!

³ Ia erein aramas suwed kan ar pahn nsensenamwahu? Maing KAUN, ia erein?

⁴ Ia erein me dipan kan ar pahn akalapalap oh akahksuweiki ar tiahk suwed kan?

⁵ Maing KAUN, re kin kauwehla sapwellimomwi aramas akan; re kin katoutouwihala irail kan me kisehn sapwellimomwi.

⁶ Re kin kemehla liohdi kan oh me sepwoupwou kan, oh kin kihsang mour en mehn liki kan me kin kousoan nan at wehi.

⁷ Re kin kahski dene, “KAUN-O sohte kin mahsanih kiht; Koht en Israel sohte kin ketin tehk wasa.”

⁸ Kumwail nei aramas akan, ia duwe, kumwail meid loalopwon oh pweipwei? Iahd kumwail pahn loalokongla?

⁹ Koht me ketikihong kitail salengatail kan—e ahpw sohte kak ketin karonge wasa? Ih me ketikihong kitail masatail kan—e ahpw sohte kak mahsanih wasa?

¹⁰ Ih me kin ketin angiangih wehi kan—eri dah, e sohte pahn ketin kaloke irail? Ih me kin wia sounpadahk en aramas koaros—eri dah, e sohte ketin kupwurokong?

¹¹ KAUN-O ketin mwahngih dahme aramas akan kin medemedewe; e kin mwahngih duwen mwahl en audepen nan kapehdirail kan.

¹² Maing KAUN, ia uwen peren en aramas me komw kin ketin kaweid, me komw kin ketin padahkihong sapwellimomwi kosonned!

¹³ Komw kin ketin kommoalehdi sang nan eh apwal lao pwoahr loal kin weiweida mehn lidipiedi aramas suwed.

¹⁴ KAUN-O sohte pahn ketin kesehla sapwellime kan; e sohte pahn ketin kesehla irail kan me kisehn sapwellime.

¹⁵ Pwuhng pahn pwurehng dierekda nan mwoalen kopwung kan, oh aramas pwung koaros pahn utung.

¹⁶ Ihs me uhda oh uhpalikin ie rehn aramas suwed kan? Ihs me iang ie uhwong irail kan me kin wiahda me suwed?

¹⁷ Ma KAUN-O sohte ketin seweseiehda, I uhdahn mwadangdilangehr rehn me melahr akan.

¹⁸ I patohwan, “I pwupwudier”; ahpw Maing KAUN, sapwellimomwi limpoak poatopoat me koliehda.

¹⁹ Ni ahnsou me I kin pwunodada oh pahtoula, komw kin ketin kansenamwahwihiehla oh kapereniehda.

² Komwi me sounkopwung en aramas koaros; komw ketida oh ketikihong me aklapalap akan dahme konehng irail!

³ Ia erein aramas suwed kan ar pahn nsensenamwahu? Maing KAUN, ia erein?

⁴ Ia erein me dipan kan ar pahn akalapalap oh akahksuweiki ar tiahk suwed kan?

⁵ Maing KAUN, re kin kauwehla sapwellimomwi aramas akan; re kin katoutouwihala irail kan me kisehn sapwellimomwi.

⁶ Re kin kemehla liohdi kan oh me sepwoupwou kan, oh kin kihsang mour en mehn liki kan me kin kousoan nan at wehi.

⁷ Re kin kahski dene, “KAUN-O sohte kin mahsanih kiht; Koht en Israel sohte kin ketin tehk wasa.”

⁸ Kumwail nei aramas akan, ia duwe, kumwail meid loalopwon oh pweipwei? Iahd kumwail pahn loalokongla?

⁹ Koht me ketikihong kitail salengatail kan—e ahpw sohte kak ketin karonge wasa? Ih me ketikihong kitail masatail kan—e ahpw sohte kak mahsanih wasa?

¹⁰ Ih me kin ketin angiangih wehi kan—eri dah, e sohte pahn ketin kaloke irail? Ih me kin wia sounpadahk en aramas koaros—eri dah, e sohte ketin kupwurokong?

¹¹ KAUN-O ketin mwahngih dahme aramas akan kin medemedewe; e kin mwahngih duwen mwahl en audepen nan kapehdirail kan.

¹² Maing KAUN, ia uwen peren en aramas me komw kin ketin kaweid, me komw kin ketin padahkihong sapwellimomwi kosonned!

¹³ Komw kin ketin kommoalehdi sang nan eh apwal lao pwoahr loal kin weiweida mehn lidipiedi aramas suwed.

¹⁴ KAUN-O sohte pahn ketin kesehla sapwellime kan; e sohte pahn ketin kesehla irail kan me kisehn sapwellime.

¹⁵ Pwuhng pahn pwurehng dierekda nan mwoalen kopwung kan, oh aramas pwung koaros pahn utung.

¹⁶ Ihs me uhda oh uhpalikin ie rehn aramas suwed kan? Ihs me iang ie uhwong irail kan me kin wiahda me suwed?

¹⁷ Ma KAUN-O sohte ketin seweseiehda, I uhdahn mwadangdilangehr rehn me melahr akan.

¹⁸ I patohwan, “I pwupwudier”; ahpw Maing KAUN, sapwellimomwi limpoak poatopoat me koliehda.

¹⁹ Ni ahnsou me I kin pwunodada oh pahtoula, komw kin ketin kansenamwahwihiehla oh kapereniehda.