MELKAHKA KAN 92:6-13 in Pohnpeian

⁶Aramaj pweipwei men jota kak dedeki mepukat, o me rotorot amen jota kin injenoki.

⁷Me doo jan Kot akan kin wojada dueta rä, o me katiwo kan karoj kin majal pajan, lao re pan lokidokila kokolata.

⁸A komui ta Main Ieowa, me lapalapia, o komui pan duedueta.

⁹Pwe kom kotin mani duen ar imwintiti kan, Main Ieowa, kom kotin mani, ar imwintiti kan pan joredi, o me morjued akan en kamueit pajan.

¹⁰A ai oje pan pwaida dueta oj en man oje tapot, o i pan keikidier le kap.

¹¹O por en maj ai pan perenki ai imwintiti kan, o jalon ai pan polauleki me morjued akan, me kin palian ia.

¹²Me pun o pan pwaida mau dueta ni pot, a pan kakairida dueta jeder en Lipanon.

¹³Me patidier nan tanpaj en Ieowa, pan pwaida mon pera jaraui en atail Kot.

⁶Aramas pweipwei men sota kak dedeki mepukat, o me rotorot amen sota kin insenoki.

⁷Me doo sang Kot akan kin wosada dueta rä, o me katiwo kan karos kin masal pasang, lao re pan lokidokila kokolata.

⁸A komui ta Maing Ieowa, me lapalapia, o komui pan duedueta.

⁹Pwe kom kotin mangi duen ar imwintiti kan, Maing Ieowa, kom kotin mangi, ar imwintiti kan pan soredi, o me morsued akan en kamueit pasang.

¹⁰A ai ose pan pwaida dueta os en man ose tapot, o i pan keikidier le kap.

¹¹O por en mas ai pan perenki ai imwintiti kan, o salong ai pan polauleki me morsued akan, me kin palian ia.

¹²Me pung o pan pwaida mau dueta ni pot, a pan kakairida dueta seder en Lipanon.

¹³Me patidier nan tanpas en Ieowa, pan pwaida mon pera saraui en atail Kot.

⁶Met iei mehkot me aramas pweipwei men sohte kak ese; aramas loalopwon sohte kak wehwehki:

⁷aramas suwed kak keirda duwehte dihpw, irail me kin wia me suwed kak paiamwahula; ahpw re pahn kamwomwomwala douluhl,

⁸pwehki komwi, Maing KAUN, me kaun lapalahpie kohkohlahte.

⁹Se patohwan ese me sapwellimomwi imwintihti kan pahn mehla, oh aramas suwed kan koaros pahn lohdi.

¹⁰Komw ketin kakehleiehda duwehte koupwul lawalo men; komw ketin kupwuramwahwihkinie peren mwuledek.

¹¹I patohwanehr en ei imwintihti kan ar lohdi oh rongehr en me suwed akan ar weriwer.

¹²Me pwung kan pahn pweida mwahu duwehte nih kan; re pahn keirda duwehte sidar en Lepanon kan.

¹³Re rasehng tuhke kan me poadidi nan tehnpas en KAUN-O, me kin pweida mwahu nan Tehnpas en atail Koht,