Text copied!
Bibles in Pohnpeian

MELKAHKA KAN 78:44-71 in Pohnpeian

Help us?

Psalms 78:44-71 in Kadede Kap Pjam Akan

44 A kotin kawuki on nta ar pil akan, rap jolar kak nima jan ar pilap akan.
45 Ni a kotin kapwaredar man jued akan nan pun arail, me kan ir ala, o proj akan, me kawe ir ala.
46 A kotiki on muedi ar tuka kan, o ar wantuka on man jiek.
47 A kotin kawekilar akel ar wain o tuka kan ki akel tikitik.
48 A kotin kamekila ar man akel akan o ar pwin man akan liol.
49 A kotin onion melel o porone won ir tounlan jued kai, o mueid on ir, ren linaranar, o morjued, o kainjenjued.
50 A kotin kaonopa dan onion al apot, o jota dorelar maur arail jan mela, o kotin mueid on kilitop ni maur arail.
51 A kotin kamelar mejeni karoj nan Äkipten, mejeni en ar kelail nan im en Am akan.
52 A kotin kaluala japwilim a kan dueta pwin jip eu nan jap tan.
53 A kotin kalua irail ni pun, pwe ren der majak meakot, a madau kadupaledi ar imwintiti kan.
54 A kotin wa ir ala lel ni irair en jap jaraui, lel nana wet, me lim a pali maun kileledier.
55 O kotin pakipaki men liki kan mo ’rail, o kotin nek on ir jap arail, pwen jojoki, o a kotiki on kainok en Ijrael akan, en kaukaujon nan im arail.
56 A re jonejon? o kaonion Kot lapalap, o jota peiki on i, o jota duki on a majan akan.
57 O re muei jan o mamaleki meakaroj, dueta jam arail akan, o re jota teneten, dueta kajik katieu luet eu.
58 O re kaonion i ni ar kaudok pon dol akan, o re kupur juedeki i ki arail dikedik en ani kan.
59 A Kot lao kotin mani mepukat, ap kotin onionada o kajapok ir ala melel.
60 A kotin muei jan tanpaj a nan Jilo, im pwal o, waja a kotikot ia ren aramaj akan.
61 A kotiki wei japwilim akan nan imaten, o a linan nan pa en imwintiti kan.
62 A kotiki wei japwilim a aramaj akan ni kodlaj, o kotin onioni japwilim a jojo.
63 Kijiniai kanala ar manakap akan, o ar peinekap akan jolar kak papaud.
64 Arail jamero kan mekilar kodlaj, a jolar li odi kan, me kin maiei.
65 Ieowa ap kotin opala waja dueta amen me mairelar, dueta ol komad amen kin nijinij ni a kan wain.
66 A kotin kaloedier a imwintiti kan o kanamenok ir ala kokolata.
67 A kotin kajelar im en Iojep, o jota piladar kainok en Epraim.
68 Pwe a kotin piladar kainok en Iuda, dol Jion, me a kotin kupura.
69 O a kotin kauadar tanpaj a im jaraui waja ileile, dueta jappa me pan teneten eta kokolata.
70 Ap kotin piladar japwilim a ladu Dawid, o a kotin ale i jan nan deun jip akan.
71 A kotin kalua i jan ren jip en kadidi kan, pwen kamana japwilim a kainok en Iakop o a jojo men Ijrael.
Psalms 78 in Kadede Kap Pjam Akan

Psalm 78:44-71 in Kadede Kap Psam Akan

44 A kotin kawuki ong nta ar pil akan, rap solar kak nima sang ar pilap akan.
45 Ni a kotin kapwaredar man sued akan nan pung arail, me kang ir ala, o pros akan, me kawe ir ala.
46 A kotiki ong muedi ar tuka kan, o ar wantuka ong man siek.
47 A kotin kawekilar akel ar wain o tuka kan ki akel tikitik.
48 A kotin kamekila ar man akel akan o ar pwin man akan liol.
49 A kotin ongiong melel o porone wong ir tounlang sued kai, o mueid ong ir, ren lingarangar, o morsued, o kainsensued.
50 A kotin kaonopa dang ongiong al apot, o sota dorelar maur arail sang mela, o kotin mueid ong kilitop ni maur arail.
51 A kotin kamelar meseni karos nan Äkipten, meseni en ar kelail nan im en Am akan.
52 A kotin kaluala sapwilim a kan dueta pwin sip eu nan sap tan.
53 A kotin kalua irail ni pung, pwe ren der masak meakot, a madau kadupaledi ar imwintiti kan.
54 A kotin wa ir ala lel ni irair en sap saraui, lel nana wet, me lim a pali maun kileledier.
55 O kotin pakipaki men liki kan mo ’rail, o kotin nek ong ir sap arail, pwen sosoki, o a kotiki ong kainok en Israel akan, en kaukauson nan im arail.
56 A re songesong? o kaongiong Kot lapalap, o sota peiki ong i, o sota duki ong a masan akan.
57 O re muei sang o mamaleki meakaros, dueta sam arail akan, o re sota tengeteng, dueta kasik katieu luet eu.
58 O re kaongiong i ni ar kaudok pon dol akan, o re kupur suedeki i ki arail dikedik en ani kan.
59 A Kot lao kotin mangi mepukat, ap kotin ongiongada o kasapok ir ala melel.
60 A kotin muei sang tanpas a nan Silo, im pwal o, wasa a kotikot ia ren aramas akan.
61 A kotiki wei sapwilim akan nan imateng, o a lingan nan pa en imwintiti kan.
62 A kotiki wei sapwilim a aramas akan ni kodlas, o kotin ongiongi sapwilim a soso.
63 Kisiniai kangala ar manakap akan, o ar peinekap akan solar kak papaud.
64 Arail samero kan mekilar kodlas, a solar li odi kan, me kin maiei.
65 Ieowa ap kotin opala wasa dueta amen me mairelar, dueta ol komad amen kin ngisingis ni a kang wain.
66 A kotin kaloedier a imwintiti kan o kanamenok ir ala kokolata.
67 A kotin kaselar im en Iosep, o sota piladar kainok en Epraim.
68 Pwe a kotin piladar kainok en Iuda, dol Sion, me a kotin kupura.
69 O a kotin kauadar tanpas a im saraui wasa ileile, dueta sappa me pan tengeteng eta kokolata.
70 Ap kotin piladar sapwilim a ladu Dawid, o a kotin ale i sang nan deun sip akan.
71 A kotin kalua i sang ren sip en kadidi kan, pwen kamanga sapwilim a kainok en Iakop o a soso men Israel.
Psalm 78 in Kadede Kap Psam Akan

MELKAHKA KAN 78:44-71 in Pohnpeian Bible

44 E ketin wekidohng ni nta pillap akan, mehn Isip kan ahpw sohla kak nimpil.
45 E ketin kadarpeseng loahng pwehn kaloke irail, oh kairu pwehn kauwehla sapwarail.
46 E ketin kamwarakpeseng loukust pwehn kangala wahnsapwarail kan oh kamwomwala poadokapw en sapwarail kan.
47 E ketin kemehkihla keteu aihs takai arail mwetin wain kan oh arail tuhke en pik kan.
48 E ketin kemehkihla nair kou kan melimel en keteu aihs takai oh nair pelinmen teikan lioal.
49 E kupwurehda paisuwed laud en lelohng irail ni e ketin kauwohng irail engieng mwuledek, me rasehng meninkeder en mehla.
50 E sohte ketin katokehdi sapwellime engieng de komourirailla, ahpw e ketin kemehkinirailla soumwahu lusulus.
51 E ketin kemehla pwutak mesenih en peneinei koaros en Isip.
52 E ahpw ketin kahluwa sapwellime ko rasehng silepen sihpw men oh ketin kaukauweid irail nan sapwtehno.
53 E ketin kahluwa irail ni meleilei oh onepek, oh re sohte kin masak mehkot; a arail imwintihti ko e ketin kakihrala nansed.
54 E ahpw ketikidohng irail nan sapweiso sahpw sarawio, pohn nahna me pein ih ketin kalowehdi.
55 E ketin kausasang tohn sahpwo nindokon sapwellime ko ar mwekimwekid kohla; e ketin nehkpeseng sapwarailo ong kadaudok en Israel ko oh imwarail kan e ketikihong sapwellime aramas akan.
56 Re ahpw kahngohdiong Koht Wasa Lapalap, oh kasongosonge. Re sohte kapwaiada sapwellime kosonned akan,
57 ahpw re kahngohdiong oh soaloalopwoat duwehte ar pahpa kahlap ako, re rasehngala arep me pireklahr.
58 Re kahngiangihkidahr ar wasahn kaudok en aramas rotorot kan, iangahki neirail dikedik en eni kan.
59 Koht ketin engiengda ni eh mahsanihada soahng wet, iei me e ketin soingkihla douluhl sapwellime aramas akan.
60 E ketiketla sang nan mwoale nan Sailo, wasa e ketiket ie rehtail mahso.
61 E ketin mweidala pwe Kohpwahn Inowo en lohdiong pahn atail imwintihti kan, kohpwao me wia kilel en sapwellime manaman oh lingan.
62 E ketin engiengda pahn sapwellime aramas ako oh ketin mweidala pwe re en kamakamala pahn arail imwintihti ko.
63 Mwahnakapw akan kin mehla nan mahwen, eri peinakapw akan sohte kin diar me re en pwoudiki.
64 Samworo kan kin mehkihla mehla eikek, oh ar liohdi kan sohte mweimweiong re en mwahieikin irail.
65 Ni imwilah, Kaun-o ahpw ketida duwehte e ketin ohpala wasa; e duwehte ohl kommwad emen me ket pahn litopw en wain.
66 E ketin katangapeseng sapwellime imwintihti kan re ahpw sarohdi oh namenekla kowahlap.
67 Ahpw e ketin soikala kadaudok en Sosep kan; e sohte ketin pilada kadaudok en Epraim.
68 Pwe kadaudok en Suda me e ketin pilada oh Nahna Saion me e kin ketin poakohng mehlel.
69 Wasao me e ketin kauwada ie Tehnpese duwehte mwoale me mi nanleng; e ketin katengehdi duwehte sampah pwehn tengeteng kohkohlahte.
70 E ketin pilada sapwellime ladu Depit; e ketikihsang nan sapwen sihpw kan,
71 wasa me Depit kin apwahpwalih ie nah pelin sihpw, oh ketin kasapwiladahng en wiahla nanmwarkien Israel, pwehn wiahla silepen sapwellimen Koht aramas akan.
MELKAHKA KAN 78 in Pohnpeian Bible

Melkahka Kan 78:44-71 in Pohnpeian Bible with Apocrypha

44 E ketin wekidohng ni nta pillap akan, mehn Isip kan ahpw sohla kak nimpil.
45 E ketin kadarpeseng loahng pwehn kaloke irail, oh kairu pwehn kauwehla sapwarail.
46 E ketin kamwarakpeseng loukust pwehn kangala wahnsapwarail kan oh kamwomwala poadokapw en sapwarail kan.
47 E ketin kemehkihla keteu aihs takai arail mwetin wain kan oh arail tuhke en pik kan.
48 E ketin kemehkihla nair kou kan melimel en keteu aihs takai oh nair pelinmen teikan lioal.
49 E kupwurehda paisuwed laud en lelohng irail ni e ketin kauwohng irail engieng mwuledek, me rasehng meninkeder en mehla.
50 E sohte ketin katokehdi sapwellime engieng de komourirailla, ahpw e ketin kemehkinirailla soumwahu lusulus.
51 E ketin kemehla pwutak mesenih en peneinei koaros en Isip.
52 E ahpw ketin kahluwa sapwellime ko rasehng silepen sihpw men oh ketin kaukauweid irail nan sapwtehno.
53 E ketin kahluwa irail ni meleilei oh onepek, oh re sohte kin masak mehkot; a arail imwintihti ko e ketin kakihrala nansed.
54 E ahpw ketikidohng irail nan sapweiso sahpw sarawio, pohn nahna me pein ih ketin kalowehdi.
55 E ketin kausasang tohn sahpwo nindokon sapwellime ko ar mwekimwekid kohla; e ketin nehkpeseng sapwarailo ong kadaudok en Israel ko oh imwarail kan e ketikihong sapwellime aramas akan.
56 Re ahpw kahngohdiong Koht Wasa Lapalap, oh kasongosonge. Re sohte kapwaiada sapwellime kosonned akan,
57 ahpw re kahngohdiong oh soaloalopwoat duwehte ar pahpa kahlap ako, re rasehngala arep me pireklahr.
58 Re kahngiangihkidahr ar wasahn kaudok en aramas rotorot kan, iangahki neirail dikedik en eni kan.
59 Koht ketin engiengda ni eh mahsanihada soahng wet, iei me e ketin soingkihla douluhl sapwellime aramas akan.
60 E ketiketla sang nan mwoale nan Sailo, wasa e ketiket ie rehtail mahso.
61 E ketin mweidala pwe Kohpwahn Inowo en lohdiong pahn atail imwintihti kan, kohpwao me wia kilel en sapwellime manaman oh lingan.
62 E ketin engiengda pahn sapwellime aramas ako oh ketin mweidala pwe re en kamakamala pahn arail imwintihti ko.
63 Mwahnakapw akan kin mehla nan mahwen, eri peinakapw akan sohte kin diar me re en pwoudiki.
64 Samworo kan kin mehkihla mehla eikek, oh ar liohdi kan sohte mweimweiong re en mwahieikin irail.
65 Ni imwilah, Kaun-o ahpw ketida duwehte e ketin ohpala wasa; e duwehte ohl kommwad emen me ket pahn litopw en wain.
66 E ketin katangapeseng sapwellime imwintihti kan re ahpw sarohdi oh namenekla kowahlap.
67 Ahpw e ketin soikala kadaudok en Sosep kan; e sohte ketin pilada kadaudok en Epraim.
68 Pwe kadaudok en Suda me e ketin pilada oh Nahna Saion me e kin ketin poakohng mehlel.
69 Wasao me e ketin kauwada ie Tehnpese duwehte mwoale me mi nanleng; e ketin katengehdi duwehte sampah pwehn tengeteng kohkohlahte.
70 E ketin pilada sapwellime ladu Depit; e ketikihsang nan sapwen sihpw kan,
71 wasa me Depit kin apwahpwalih ie nah pelin sihpw, oh ketin kasapwiladahng en wiahla nanmwarkien Israel, pwehn wiahla silepen sapwellimen Koht aramas akan.
Melkahka Kan 78 in Pohnpeian Bible with Apocrypha