Melkahka Kan 78:41-46

⁴¹Re pwurupwurehngete kasongosonge Koht oh katoutouwihala nan kupwuren Koht Sarawien Israel.

⁴²Re manokehla sapwellime manaman lapalap oh rahn me e ketin kapitirailla sang ar imwintihti kan

⁴³oh ketin wiahda sapwellime wiewia kan oh manaman lapalap akan nan wasa patapat en Soan nan wehin Isip.

⁴⁴E ketin wekidohng ni nta pillap akan, mehn Isip kan ahpw sohla kak nimpil.

⁴⁵E ketin kadarpeseng loahng pwehn kaloke irail, oh kairu pwehn kauwehla sapwarail.

⁴⁶E ketin kamwarakpeseng loukust pwehn kangala wahnsapwarail kan oh kamwomwala poadokapw en sapwarail kan.