MELKAHKA KAN 60:1-9 in Pohnpeian

¹ MAIN Kot, kom kotin kaje kit alar, o kamueit kit pajaner ni omui onion, kom kotin pur on kamait kit ala.

² Kom kotin kamokitadar jap o, o kawelar i, kom kotin kamauiala waja ola kan, pwe a kin mokimokid.

³ Pwe kom kotiki oner japwilim omui kan katoutou parail. Kom kotiki on kit er wain men kapweipwei kit alar.

⁴ A kilel eu, me kom kotiki on irail er, me majak komui, i me irail kauadar, ap kelail kidar. Jela.

⁵ Pwe kompoke pamui kan en jaladokala; kom kotin jauaja ki pali maun ar o kotin ereki kit.

⁶ Kot kotin majanier nan japwilim a mol jaraui, i me i peren kida; i pan nek pajan Jikem o jojon jap Jukot.

⁷ Kilead o Manaje iei jap we; nai kin kaunda Epraim; a Iuda iei ai jokon;

⁸ Moap iei ai dal en dudu; i kin tiakedi Edom; Pilijta kin nijinij on ia.

⁹ Ij me pan kalua ia nan kanim teneten eu? Ij me pan ian ia lel Edom?

¹ MAING Kot, kom kotin kase kit alar, o kamueit kit pasanger ni omui ongiong, kom kotin pur ong kamait kit ala.

² Kom kotin kamokitadar sap o, o kawelar i, kom kotin kamauiala wasa ola kan, pwe a kin mokimokid.

³ Pwe kom kotiki onger sapwilim omui kan katoutou parail. Kom kotiki ong kit er wain men kapweipwei kit alar.

⁴ A kilel eu, me kom kotiki ong irail er, me masak komui, i me irail kauadar, ap kelail kidar. Sela.

⁵ Pwe kompoke pamui kan en saladokala; kom kotin sauasa ki pali maun ar o kotin ereki kit.

⁶ Kot kotin masanier nan sapwilim a mol saraui, i me i peren kida; i pan nek pasang Sikem o sosong sap Sukot.

⁷ Kilead o Manase iei sap we; ngai kin kaunda Epraim; a Iuda iei ai sokon;

⁸ Moap iei ai dal en dudu; i kin tiakedi Edom; Pilista kin ngisingis ong ia.

⁹ Is me pan kalua ia nan kanim tengeteng eu? Is me pan iang ia lel Edom?

¹ Maing Koht, komw ketin soingkitalahr oh kaloweikitdier; komw ketin engieng paht—ahpw met komw pwurehng ketin sapahldohng kiht.

² Komw ketin kupwurehda pwe sampah en rerada, oh pwelen sampah en pwalpeseng; komw ketin kamwahwihala ohla pwukat, pwe sahpwo nektehn mwerpeseng douluhl.

³ Apwal tohto komw ketin mweidohng sapwellimomwi kan en lokolongki mwuledek; se kin sansasseli rasehng ma se sakaula.

⁴ Komw ketin panawiher irail kan me kin wauneki komwi, pwe re en kak pitsang kauparail.

⁵ Komw ketin komourkinkitala sapwellimomwi manaman; komw ketin sapeng at tungoal kapakap, pwe irail kan me komw kin ketin loalloale re en kapitipitla.

⁶ Koht ahpw ketin poahngok sang nan mwoale sarawio, mahsanih, “Ni manaman en powehdi I pahn pwalangpeseng Sekem oh nehkpeseng Wahun Sukot rehn nei aramas akan.

⁷ Ngehi me ahneki Kilead, oh pil Manase; Epraim iei ei lisoarop en mahwen oh Suda ei sokon en nanmwarki.

⁸ Ahpw I pahn doadoahngki Mohap duwehte nei dahl en epwinek, I pahn kesehdiong pohn Edom ei suht, kilel en eh uhdahn ahi. Ia duwe tohn Pilisdia, re medemedewe me re pahn ngisingiski arail poweiehdi?”

⁹ Maing Koht, ihs me pahn kahreielahng nan kahnimw kehlailo? Ihs me pahn waielahng Edom?

¹ Maing Koht, komw ketin soingkitalahr oh kaloweikitdier; komw ketin engieng paht—ahpw met komw pwurehng ketin sapahldohng kiht.

² Komw ketin kupwurehda pwe sampah en rerada, oh pwelen sampah en pwalpeseng; komw ketin kamwahwihala ohla pwukat, pwe sahpwo nektehn mwerpeseng douluhl.

³ Apwal tohto komw ketin mweidohng sapwellimomwi kan en lokolongki mwuledek; se kin sansasseli rasehng ma se sakaula.

⁴ Komw ketin panawiher irail kan me kin wauneki komwi, pwe re en kak pitsang kauparail.

⁵ Komw ketin komourkinkitala sapwellimomwi manaman; komw ketin sapeng at tungoal kapakap, pwe irail kan me komw kin ketin loalloale re en kapitipitla.

⁶ Koht ahpw ketin poahngok sang nan mwoale sarawio, mahsanih, “Ni manaman en powehdi I pahn pwalangpeseng Sekem oh nehkpeseng Wahun Sukot rehn nei aramas akan.

⁷ Ngehi me ahneki Kilead, oh pil Manase; Epraim iei ei lisoarop en mahwen oh Suda ei sokon en nanmwarki.

⁸ Ahpw I pahn doadoahngki Mohap duwehte nei dahl en epwinek, I pahn kesehdiong pohn Edom ei suht, kilel en eh uhdahn ahi. Ia duwe tohn Pilisdia, re medemedewe me re pahn ngisingiski arail poweiehdi?”

⁹ Maing Koht, ihs me pahn kahreielahng nan kahnimw kehlailo? Ihs me pahn waielahng Edom?