MELKAHKA KAN 58:1-8 in Pohnpeian

¹IADUEN komail loton, pwe komail jota men lokaia me pun, o komail jota men kapun nin tiak inen, komail aramaj akan?

²Melel, komail kin wia me japun nan monion o, o nan jap o komail kin kelail on wiada me jued.

³Me doo jan Kot akan me japun jan pon kapan in ar akan; me likam kan kin janjalon jili jan nan kaped en in ar akan.

⁴Ar linaranar rajon linaranar en jerpent amen, rajon jerpent jalonepon, me penala jalon a,

⁵Pwen der ron nil en jaunwun ani o kati ani men, me kadek wunani.

⁶Main Kot, kom kotin katip pajan ni nan au arail; Main Ieowa, kom kotin kawela ni en laien pulepul akan.

⁷Kom kotin kawe ir ala dueta pil me kin pwilipwili wei. Ma a kaonopada a kananan kajik katieu, re kin tip pajan.

⁸Re pan joredi dueta kamadel amen kin mon pena; re jota pan kilan katipin dueta jeri amen, me jota dar puni.

¹IADUEN komail lotong, pwe komail sota men lokaia me pung, o komail sota men kapung nin tiak inen, komail aramas akan?

²Melel, komail kin wia me sapung nan mongiong o, o nan sap o komail kin kelail ong wiada me sued.

³Me doo sang Kot akan me sapung sang pon kapan in ar akan; me likam kan kin sansalong sili sang nan kaped en in ar akan.

⁴Ar lingarangar rasong lingarangar en serpent amen, rasong serpent salongepon, me penala salong a,

⁵Pwen der rong ngil en saunwun ani o kati ani men, me kadek wunani.

⁶Maing Kot, kom kotin katip pasang ngi nan au arail; Maing Ieowa, kom kotin kawela ngi en laien pulepul akan.

⁷Kom kotin kawe ir ala dueta pil me kin pwilipwili wei. Ma a kaonopada a kanangan kasik katieu, re kin tip pasang.

⁸Re pan soredi dueta kamadel amen kin mong pena; re sota pan kilang katipin dueta seri amen, me sota dar pungi.

¹Ia duwe, kumwail kaun akan, me pwung audepen amwail kopwung kan? Kumwail kin wia kopwung en aramas koaros ni pwung pahrek?

²Pwe soh! Kumwail kin medemedewehte suwed me kumwail kak wiahda, oh wiahda sapwung mwuledek kan nan sahpwet.

³Aramas suwed kan kin sapwusapwung nan arail mour ahnsou koaros; re kin wiahda likamw sangete ni rahn me re ipwidi.

⁴Re diren pwoisin rasehng sineik kan; re kin pinahla salengarail kan duwehte soangen sineik kopra me salengepon,

⁵me sohte kin rong ngilen sounkemenda, de koulen sounakmanaman.

⁶Maing Koht, komw ketin kamwerehsang ngihn laion kommwad pwukat.

⁷Re en sohrala rasehng pihl me kin sohrdiong pahnpwehl; re en tiatihdi ohla rasehng dipwen nanial akan.

⁸Re en duwehla dendemwusi me kin mwerpeseng wiahla pwehl; re en duwehte seri pwelel me ipwidi mehla sohte mwahn kilang marain.