4Ei imwintihti kan kin kapikapil ie, duwehte laion kei me kin men kang aramas. Ngihrail kan duwehte ketieu oh arep, lowarail kan duwehte kedlahs keng.
5Maing Koht, komw ketin kasalehda sapwellimomwi roson lapalap pahnlahng, oh sapwellimomwi lingan wasa koaros nin sampah.
6Ei imwintihti kan wiadahr lidip pwe re en kolkiniehdi; re katoutowihalahr ngeni kowahlap. Re weirada pwoahr ehu mwohi, ahpw re pein pwupwudiongehr loale.
7Maing Koht, ni ei koapworopwor unsek, I pahn koul oh kapinga komwi!
8Ngeni, pirada! Nei arp oh lair, kumwa pirada! I pahn pangenda ketipin.
Melkahka Kan 57
Melkahka Kan 57:4-8