MELKAHKA KAN 51:8-17 in Pohnpeian

⁸Kom kotiki on ia peren o popol, pwe kokon ai kan, me kom kotin kawelar, en injenemaula.

⁹Kom kotin jopwei jan dip ai kan, o kotin lapwada ai japun karoj.

¹⁰Main Kot, kom kotin wiai on ia monion makelekel, o kotin kawiliakapada nen i.

¹¹Kom der kaje ia la jan mon jilan omui o der kotiki jan ia ar Nen jaraui.

¹²Kom kotin pur on kamait ia la ki omui jauaja ia, o kotiki on ia nen en kaperen.

¹³I pan padaki on me katiwo kan duen al omui kan, pwe me dipan akan en wuki on komui.

¹⁴Main Kot, kom kotin dore ia la jan dip en nta, pwe komui Kot ai jaunkamaur, pwe lo i en kapina omui pun.

¹⁵Main Ieowa, kom kotin kajar pajan kilen au ai, pwe au ai en kapikapina komui.

¹⁶Pwe kom jota kotin mauki mairon kamela — a ma iei, i pan wiada — o mairon ijij kom jota kotin kupura.

¹⁷A iet mairon, me Kot kin kotin kupura: Nen olar, o monion injenjuedalar, o karakarak, iei me komui Main Kot jota pan kotin mamaleki.

⁸Kom kotiki ong ia peren o popol, pwe kokon ai kan, me kom kotin kawelar, en insenemaula.

⁹Kom kotin sopwei sang dip ai kan, o kotin lapwada ai sapung karos.

¹⁰Maing Kot, kom kotin wiai ong ia mongiong makelekel, o kotin kawiliakapada ngen i.

¹¹Kom der kase ia la sang mon silang omui o der kotiki sang ia ar Ngen saraui.

¹²Kom kotin pur ong kamait ia la ki omui sauasa ia, o kotiki ong ia ngen en kaperen.

¹³I pan padaki ong me katiwo kan duen al omui kan, pwe me dipan akan en wuki ong komui.

¹⁴Maing Kot, kom kotin dore ia la sang dip en nta, pwe komui Kot ai saunkamaur, pwe lo i en kapinga omui pung.

¹⁵Maing Ieowa, kom kotin kasar pasang kilen au ai, pwe au ai en kapikapinga komui.

¹⁶Pwe kom sota kotin mauki mairong kamela — a ma iei, i pan wiada — o mairong isis kom sota kotin kupura.

¹⁷A iet mairong, me Kot kin kotin kupura: Ngen olar, o mongiong insensuedalar, o karakarak, iei me komui Maing Kot sota pan kotin mamaleki.

⁸Komw ketin kupwurehkin ie peren oh nsenamwahu; oh mehnda ma kakonei kat oh tih kat timpesengehr, a I pahn pwurehng nsenamwahula.

⁹Komw ketin sohpeiweisang dipei kan oh ketin lapwahda dipei kan koaros.

¹⁰Maing Koht, komw ketin wiahiong ie ehu mohngiong mwakelekel, oh ketikihong nan kapehdiet ehu ngehn kapw oh loalopwoat.

¹¹Komw dehr ketin keseieweisang mwohn silangmwi; komw dehr ketikihsang ie ngenomwi sarawi.

¹²Komw ketin kasapahldohng ie nan peren me kin kohsang ni sapwellimomwi komour, oh ketin kupwurehkin ineng en peikiong komwi.

¹³I ahpw pahn padahkihong me dipan akan sapwellimomwi kosonned akan, re ahpw pahn sapahldohng rehmwi.

¹⁴Maing Koht ei sounkomour, komw ketin doarehla mouri, I ahpw pahn nsenamwahuki lohkiseli sapwellimomwi pwung.

¹⁵Maing ei Kaun, komw ketin sewese ie pwe I en pato, oh I ahpw pahn kapinga komwi.

¹⁶Komwi sohte kin ketin anahne meirong, ma komw ketin anahne, I pahn wiahiong komwi; komw sohte kin kupwurperenki meirong isihs kan.

¹⁷Ei meirong, Maing Koht, iei koluhla mehlel en nan kapehdi; pwe komw sohte pahn ketin soikala koluhla mehlel oh peik en nan kapehd.