Text copied!
CopyCompare
Pohnpeian Bible with Apocrypha - Melkahka Kan - Melkahka Kan 44

Melkahka Kan 44:8-18

Help us?
Click on verse(s) to share them!
8Se pahn kin kapinga komwi ahnsou koaros oh patohwan kapingkalahngan ong komwi kohkohlahte.
9Ahpw met komw ketin soingkitalahr oh mweidalahr pwe se en lohdi; komw solahr kin ketin ieiang at tungoal karis kan.
10Komwi me kupwurehda se en tangasang at imwintihti kan, oh re adihasang kiht at kepwe kan.
11Komwi me ketin mweidohng pwe se en kamakamala rasehng sihmpwul kei; komwi me ketin kalipeikitalahng nan wehin liki kan.
12Komw ketin netikihla sapwellimomwi aramas akan ni pwei tikitik, duwehte mehkot me sohte kesempwal.
13Mehn mpat akan kilangehr dahme komw ketin wiahiong kiht, re ahpw kin kapailok oh kouruhrkin kiht.
14Komw ketin wiahkinkitala mehn kepit nanpwungen wehi kan; re kin tuhtuwelengki ar kouruhrkin kiht.
15I kin sansaro ahnsou koaros; I namenengkilahr kowahlap
16ei kin rongorong kepit oh lokaia kepweikeng sang ei imwintihti kan oh irail kan me kin kailongkin ie.
17Mepwukat koaros re wiahiong kiht, mehndahte ma se sohte manokeikomwihla de kauwehla inowo me komw ketin wiahiong kiht.
18Se sohte soaloalopwoat ong komwi; se sohte kauwehla sapwelliomwi kosonned akan.

Read Melkahka Kan 44Melkahka Kan 44
Compare Melkahka Kan 44:8-18Melkahka Kan 44:8-18