Text copied!
CopyCompare
Pohnpeian Bible - MELKAHKA KAN - MELKAHKA KAN 44

MELKAHKA KAN 44:5-14

Help us?
Click on verse(s) to share them!
5oh sang ni sapwellimomwi manaman se kin kalowehdi at imwintihti kan.
6I sohte likih me nei kesik ketieu de nei kedlahs pahn doareiehla;
7ahpw komwi me ketin doareikitasang at imwintihti kan oh ketin kalowehdi irail kan me kin kailongkin kiht.
8Se pahn kin kapinga komwi ahnsou koaros oh patohwan kapingkalahngan ong komwi kohkohlahte.
9Ahpw met komw ketin soingkitalahr oh mweidalahr pwe se en lohdi; komw solahr kin ketin ieiang at tungoal karis kan.
10Komwi me kupwurehda se en tangasang at imwintihti kan, oh re adihasang kiht at kepwe kan.
11Komwi me ketin mweidohng pwe se en kamakamala rasehng sihmpwul kei; komwi me ketin kalipeikitalahng nan wehin liki kan.
12Komw ketin netikihla sapwellimomwi aramas akan ni pwei tikitik, duwehte mehkot me sohte kesempwal.
13Mehn mpat akan kilangehr dahme komw ketin wiahiong kiht, re ahpw kin kapailok oh kouruhrkin kiht.
14Komw ketin wiahkinkitala mehn kepit nanpwungen wehi kan; re kin tuhtuwelengki ar kouruhrkin kiht.

Read MELKAHKA KAN 44MELKAHKA KAN 44
Compare MELKAHKA KAN 44:5-14MELKAHKA KAN 44:5-14