MELKAHKA KAN 44:11-23 in Pohnpeian

¹¹Kom kotin mueid on ir, ren kawe kit ala dueta jip oko, o kom kotin kamueit kit pajan nan pun en men liki kan.

¹²Kom netikila japwilim omui kan ni pwai jued, a komui ap jota kapwapwa kilar.

¹³Kom kin kotin wiai on kit, jen kankaurur ren men imp at, o lalaue o jarodi ren me kapil kit pena.

¹⁴Kom kotin wia kin kit karajepa eu ren men liki kan o aramaj akan kin dueduälok kin kit.

¹⁵I kin jaro nin ran karoj o maj ai me dir en namenok,

¹⁶Ni ai roneron aramaj morjued o lalaue, o ni ai kilekilan ai imwintiti o me kin akdepuk kan.

¹⁷Mepukat karoj lel don kit er, ari jo, je jota kak monokela komui, de wia dip on japwilim omui inau.

¹⁸Monion at jota pupwei jan komui, o je jota wuki wei jan al omui.

¹⁹A komui kawe kit alar ni wajan man jued, o kom kadupale kidi mot en mela.

²⁰Ma je monokela mar en at Kol, o pokada pa at on amen kot,

²¹Kot jota pan kotin diarada? Pwe a kotin mani lol en monion at.

²²Pwe kit kin kalokoloke kin komui ni ran karoj, o kit rajon jip me pan kamela.

²³Main, kom kotida! Da me kom kotin jaimokela? Kotin opada waja, o der kajapoke kit ala kokolata!

¹¹Kom kotin mueid ong ir, ren kawe kit ala dueta sip oko, o kom kotin kamueit kit pasang nan pung en men liki kan.

¹²Kom netikila sapwilim omui kan ni pwai sued, a komui ap sota kapwapwa kilar.

¹³Kom kin kotin wiai ong kit, sen kankaurur ren men imp at, o lalaue o sarodi ren me kapil kit pena.

¹⁴Kom kotin wia kin kit karasepa eu ren men liki kan o aramas akan kin dueduälok kin kit.

¹⁵I kin saro nin ran karos o mas ai me dir en namenok,

¹⁶Ni ai rongerong aramas morsued o lalaue, o ni ai kilekilang ai imwintiti o me kin akdepuk kan.

¹⁷Mepukat karos lel dong kit er, ari so, se sota kak monokela komui, de wia dip ong sapwilim omui inau.

¹⁸Mongiong at sota pupwei sang komui, o se sota wuki wei sang al omui.

¹⁹A komui kawe kit alar ni wasan man sued, o kom kadupale kidi mot en mela.

²⁰Ma se monokela mar en at Kol, o pokada pa at ong amen kot,

²¹Kot sota pan kotin diarada? Pwe a kotin mangi lol en mongiong at.

²²Pwe kit kin kalokoloke kin komui ni ran karos, o kit rasong sip me pan kamela.

²³Maing, kom kotida! Da me kom kotin saimokela? Kotin opada wasa, o der kasapoke kit ala kokolata!

¹¹Komwi me ketin mweidohng pwe se en kamakamala rasehng sihmpwul kei; komwi me ketin kalipeikitalahng nan wehin liki kan.

¹²Komw ketin netikihla sapwellimomwi aramas akan ni pwei tikitik, duwehte mehkot me sohte kesempwal.

¹³Mehn mpat akan kilangehr dahme komw ketin wiahiong kiht, re ahpw kin kapailok oh kouruhrkin kiht.

¹⁴Komw ketin wiahkinkitala mehn kepit nanpwungen wehi kan; re kin tuhtuwelengki ar kouruhrkin kiht.

¹⁵I kin sansaro ahnsou koaros; I namenengkilahr kowahlap

¹⁶ei kin rongorong kepit oh lokaia kepweikeng sang ei imwintihti kan oh irail kan me kin kailongkin ie.

¹⁷Mepwukat koaros re wiahiong kiht, mehndahte ma se sohte manokeikomwihla de kauwehla inowo me komw ketin wiahiong kiht.

¹⁸Se sohte soaloalopwoat ong komwi; se sohte kauwehla sapwelliomwi kosonned akan.

¹⁹Komwi ahpw ketin keseikitala nanpwungen mahn lawalo kan; komw ketin keseikitala nan rotorot mosul.

²⁰Ma se patohwan tokedihsang at kaudokiong at Koht, oh kapakap ong emen koht en liki,

²¹komwi uhdahn pahn mwahngihada, pwe komw kin mwahngih at lamalam rir kan.

²²Ahpw pwehki komwi me se kin patohwan mehkihla ahnsou koaros, oh wiahkihla sihmpwul kei me kin pakahrlahng kamakamala.

²³Maing ei Kaun, komw ketin ohpala wasa! Dahme komw ketin seiseimwongki? Komw ketida! Komw dehr ketin soingkitala kohkohlahte!