MELKAHKA KAN 148:1-13 in Pohnpeian

¹KOMAIL kapina Ieowa nanlan, kapina i nan waja ileile!

²Komail japwilim a tounlan, karoj kapina i, komail japwilim a men en kadar karoj, kapina i!

³Koma katipin o jaunipon, kapina i, o komail uju piripir karoj, kapina i!

⁴Komail lan pokon, o pil komail pil akan pon ira pan lan, kapina i!

⁵Irail en kapina mar en Ieowa, pwe a me kotin panok, ap miala.

⁶Ap kotiki on ir, ren mimieta kokolata, o kotiki on ir kujoned eu, me re jota pan kawela.

⁷Toun jappa, kapina Ieowa, walroj o man akan karoj, o pil en madau kan karoj.

⁸O kijiniai, o akel, o jno, o tokoi, o melimel, me kin kaloki jili a kujoned akan,

⁹Komail nana o dol akan karoj, tuka me wa mau o jeder karoj;

¹⁰Man laualo o mand akan karoj, man korop o manpir akan,

¹¹Komail nanmarki en jappa o wei kan karoj, jaupeidi o jaunkadeik kan,

¹²Manakap o peinekap, me ma o jeri kan,

¹³Irail karoj en kapina mar en Ieowa; pwe i eta mar, me lapalap, a manaman mi pon anin jappa o lan.

¹KOMAIL kapinga Ieowa nanlang, kapinga i nan wasa ileile!

²Komail sapwilim a tounlang, karos kapinga i, komail sapwilim a men en kadar karos, kapinga i!

³Koma katipin o saunipong, kapinga i, o komail usu piripir karos, kapinga i!

⁴Komail lang pokon, o pil komail pil akan pon ira pan lang, kapinga i!

⁵Irail en kapinga mar en Ieowa, pwe a me kotin pangok, ap miala.

⁶Ap kotiki ong ir, ren mimieta kokolata, o kotiki ong ir kusoned eu, me re sota pan kawela.

⁷Toun sappa, kapinga Ieowa, walros o man akan karos, o pil en madau kan karos.

⁸O kisiniai, o akel, o sno, o tokoi, o melimel, me kin kaloki sili a kusoned akan,

⁹Komail nana o dol akan karos, tuka me wa mau o seder karos;

¹⁰Man laualo o mand akan karos, man korop o manpir akan,

¹¹Komail nanmarki en sappa o wei kan karos, saupeidi o saunkadeik kan,

¹²Manakap o peinekap, me ma o seri kan,

¹³Irail karos en kapinga mar en Ieowa; pwe i eta mar, me lapalap, a manaman mi pon angin sappa o lang.

¹Kapinga KAUN-O! Kumwail tohn powe kan, kumwail kapinga KAUN-O sang nanleng.

²Kumwail, sapwellime tohnleng kan, kumwail koaros kapinga, kumwail, sapwellime karis en nanleng, kumwail koaros pil kapinga.

³Kumwa, ketipin oh maram, kumwa kapinga; kumwail usu lingaling kan, kumwail pil kapinga.

⁴Kumwail, lahng ileilehie kan, oh pihl kan me mi pohn pwelengen lahng, kumwail kapinga.

⁵Mepwukat koaruhsie en kapinga mwaren KAUN-O! E ketin mahsente, a re wiawihda;

⁶pwehki sapwellime mahsenohte, re ahpw soandier nan dewerail kohkohlahte, oh re sohte kak sapeik.

⁷Kumwail kapinga KAUN-O sang sampah, kumwail mahn kamasepwehk kan en nan madau, oh kapin madau kan koaros,

⁸lioal oh keteu, sinoh oh depwek kan, oh pil melimel kan me kin peikiong sapwellime mahsen kan.

⁹Kumwail dohl oh nahna kan, kumwail kapinga; tuhke me kin wah kan, oh tuhkehn nanwel kan;

¹⁰oh pil mahn akan koaros, me mand oh me lawalo kan, mahn kerep oh menpihr kan.

¹¹Kumwail kapinga, kumwail nanmwarki kan oh aramas akan koaros, soupeidi kan oh soangen soumas teikan koaros;

¹²mwahnakapw oh peinakapw akan, me mah oh pil seri kan.

¹³Irail koaruhsie en kapinga mwaren KAUN-O! Mware me lapalap sang mwar teikan koaros; sapwellime lingan kin ketiket pohnangin lahng oh sampah.