MELKAHKA KAN 135:9-18 in Pohnpeian

⁹O kotikidan uk, Äkipten, kilel o manaman akan, on Parao o na ladu kan karoj.

¹⁰Me kotin kaloedi wein men liki kalaimun akan o kamelar nanmarki kelail akan.

¹¹Jiion, nanmarki en Amon, o Ok, nanmarki en Pajan, o wei en Kanaan karoj.

¹²O kotiki on japwilim a men Ijrael jap arail, pwe ren jojoki.

¹³Ieowa, mar omui pan potopot eta; Main Ieowa, kataman pa omui pan jan eu kainok lel eu.

¹⁴Pwe Ieowa pan kotin kapun japwilim a aramaj akan, o a pan kotin maki on japwilim a ladu kan.

¹⁵Dikedik en ani mal en men liki kan wiaui kida jilper o kold, me pa en aramaj wiadar.

¹⁶Au arail mia, ap jaja lokaia, por en maj arail mia, ap jota kak kilan waja;

¹⁷Jalon arail mia, ap jota kak ron waja, pil jota an mi nan au ar.

¹⁸Me kin wiada pukat me dueta irail, o pil karoj, me kin liki irail.

⁹O kotikidang uk, Äkipten, kilel o manaman akan, ong Parao o na ladu kan karos.

¹⁰Me kotin kaloedi wein men liki kalaimun akan o kamelar nanmarki kelail akan.

¹¹Siion, nanmarki en Amon, o Ok, nanmarki en Pasan, o wei en Kanaan karos.

¹²O kotiki ong sapwilim a men Israel sap arail, pwe ren sosoki.

¹³Ieowa, mar omui pan potopot eta; Maing Ieowa, kataman pa omui pan sang eu kainok lel eu.

¹⁴Pwe Ieowa pan kotin kapung sapwilim a aramas akan, o a pan kotin maki ong sapwilim a ladu kan.

¹⁵Dikedik en ani mal en men liki kan wiaui kida silper o kold, me pa en aramas wiadar.

¹⁶Au arail mia, ap sasa lokaia, por en mas arail mia, ap sota kak kilang wasa;

¹⁷Salong arail mia, ap sota kak rong wasa, pil sota ang mi nan au ar.

¹⁸Me kin wiada pukat me dueta irail, o pil karos, me kin liki irail.

⁹E ketin wiahda manaman oh soahng kapwuriamwei kei wasao pwe en ketin kaloke nanmwarkio oh sapwellime lapalap akan.

¹⁰E ketin kamwomwala wehi tohtohie oh kemehla nanmwarki kehlail kan:

¹¹Sihon, nanmwarkien mehn Amor kan, Ok, nanmwarkien Pasan, oh nanmwarki koaros nan Kenan.

¹²E ketikihong sapwarail ko ong sapwellime aramas ako; e ketikihong mehn Israel sahpw pwukat.

¹³Maing KAUN, se pahn kin wiahki komwi at Koht ahnsou koaros; dih koaros pahn kin tamataman komwi.

¹⁴KAUN-O pahn ketin doarehla sapwellime aramas akan; e pahn ketin kupwurehla sapwellime ladu kan.

¹⁵Koht en wehi kan kin wiawihkihda silper oh kohl; pehn aramas me kin wiairailda.

¹⁶Mie awarail, re ahpw sohte kak lokaia, mie masarail, re ahpw sohte kak kilang wasa.

¹⁷Mie salengarail, re ahpw sohte kak rong wasa; re pil sohte kak esingek.

¹⁸Irail kan koaros me wiairailda oh kin likih irail, re en duwehla dikedik en eni pwukat me re wiahda!