Megwewali 1:1-6

¹Iyan heini menge lalag te megwewali he anak ni Hadì David, he hadì diyà te Jerusalem:

²Wazà pulus te minsan hengkey. Wazà iyan menge pulus te langun!

³Hengkey is egkekuwa te menge etew ziyà te langun he hineǥuan dan kayi te kelibutan?

⁴Egkeawà is sevaha he lapis te kevuwazan ne egkepuliyan en maan te sevaha, piru is kelibutan kenà egkahalin.

⁵Edsilà is andew, ne edsanlep; ne edlikù-likù dutun te mibpuunan din.

⁶Edsamber is keramag pehendiyà te zivavà wey zizaya; ne edlibut-libut dà heini wey edlikù-likù.