Mbouŋ to Yes Israela 96:2-6

²Ambou pani, ve apait iza pa poia toni. Uraat tintina to ye ighamgham di pa iuul ghiit, asasavia di irau sawa isob.

³Avotia iza tiina toman tapiri ve poia toni irau ndug tisob. Ve uraat toni gharatooŋadi to ite kat, asavia di irau ndug ndug.

⁴Pasa, Yoova, ye iza tiina kat. Tovenen iit irau tapait varu le tapaiti kat, ve tamatughez pani ilib pa ndimaronŋa tisob.

⁵Pasa, ndimaronŋa tisob to ndug ndug timbesmbees padi, nene maaron kaaromŋa moghon. Ve Yoova, ye Maaron tau to ighur sambam toman mbeb tisob to tineep ila.

⁶Ye iza tiina kat, ve ŋguruba iluvuti. Tapiri ve poia toni ipavonin rumai toni lolo, ve ipambooda le paghuna kat.