Mbouŋ to Yes Israela 89:38-42

³⁸Yoova, muuŋ yom umbua saveeŋ ariaŋa tovene pa David ve papaghu toni. Eemoghon aazne, atem yabyab kat pa kinik tiei to taum usia ve ughuri pa uraat. Yom lolom pani muul maau, ve upul murim pani kat.

³⁹Saveeŋ mbuaaŋ to muuŋ ugham pa mbesooŋa tiom, aazne ureua wa. Ve uzugua moghar toni izi pa daba, ve upiyaava izila ghavuur.

⁴⁰Didiiŋ ariaŋa to iluvut ndug toni, yom ureu mbirisani izi. Ve uwaghamun ruum toni ariaŋadi paam, le tisob timbiriis.

⁴¹Tovenen tamtoghon tisob to tilala tinimnim, tiyubyub mbeb toni. Ve yes ndug ndug to tineep tigharaui, tivelegi ve tighamgham ŋalalaŋ pani.

⁴²Yoova, yom taum upalot kinik tiei koia, ve tiparab ariaŋa le tilib pani. Tauto tisob lolodi poia, ve tipakur taudi.