24Yau aat nataghon saveeŋ mbuaaŋ tau nagham pani na, ve lolog isaghavu ariaaŋ, ve naghur poia tsiau izazaa tooni. Pale naleep tomania ve napaloti, leso tapiri ivot imin tiina ve iliiv koiŋa. Tauvene eeza pale imin tiina kat.
25Yau aat nagham eval tiina tileep ila i saamba. Yes tau tileep izi nari to Te Mediterenian, ve ila imuul yaa Euprates ziige.
26I pale isaav payau ighe: ‘Yau Tamaŋ yo. Yo ta Maaron tsiau, ve Uleeŋa tsiau ariaaŋa. Yo uponpoon ghau pa koiagŋa imin maet tiina.’
27Ve yau pale naghamu imin natug aidaaba. Tauvene i pale eeza tiina kat le iliiv kinik tisov.
28Pale lolog isaghavu ariaaŋ ve nauule irau saawe. Ve saveeŋ tau nambua pani na, tauvene paam. Pale igheen ariaaŋ tauvene taghon taghon gha ila.
29Ziiri waaro tooni irau isov mako. Pale naŋgin paaghu tooni, ve tileep poi taghon taghon gha ila imin sambam saamba. Pale tileep ila David niia to ghamuuŋ pooz, ve tiŋgin yes Israela irau saawe.
30Eemon isaav ighe paaghu tooni tighur murizi pa saveeŋ tsiau, ve laghooŋ toozi isapir pa tutuuŋ tau naghuru na,
31ma tivelegh tutuuŋ tsiau tau igheen pataghaaŋ na imin kaut sorok, ve timalaaŋ pa tutuuŋ tsiau ŋgara,