Text copied!
CopyCompare
Maaron Saveeŋ Tooni Patabuyaaŋ - Mbouŋ To Yes Israela - Mbouŋ To Yes Israela 89

Mbouŋ To Yes Israela 89:13-25

Help us?
Click on verse(s) to share them!
13Yo saksakim ve tapirim tiina. Nimam tapir, ene saghati. Tauta urav koiamŋa ve uliiv zi.
14Ŋgar duduuŋa tomania ŋgar to gabizooŋ tamtamon itaghon ŋgar duduuŋa, tauta imin puughu pa pooz tsio. Ve ŋgar isov tau ughamgham zi na, itotoi ighe: Yo lolom isaghav tamtamon tsio ariaaŋ ve uluul zi, ve utataghon saveeŋ mbuaaŋ tsio.
15Yes tau tilup zi pa suŋuuŋ toman lolozi poia ve tiyoryoor ezam na, tilaghlaagh ila ghazooŋa tsio, ve poia tsio izazaa toozi.
16Yes tiwatagh ghom tomania ŋgar tsio. Tauvene saawe isov, ta mboŋoozo ila le ravrav izi, lolozi poia kat, ve tipapait ezam pa ŋgar tsio duduuŋa.
17Yei nigham tapirimai ilat tsio, tauta tinimai izaa ve ezamai imin tiina. Poia tsio, tauta igham tapirimai ivot le niliiv koiamaiŋa.
18Yoova, yo usiigh ŋeer tau imin sigheu payei. I ta iponpoon koiamaiŋa. Maaron patabuyaaŋ to yei Israela, yo ughur lemai kinik to igham pooz payei.
19Yes tau lolozi isaghav ghom ariaaŋ ve titaghon eez tsio na, muuŋ geeg, yo upaghazoŋai zi pa ŋgar tau ughe ughamu. Yo usaav pazi ila tandaghiiŋ ughe: “Zaaba ariaaŋa ee ilepleep ila sosomim. Yau taug nasiigho ve naghuru imin kinik. Tauta nauule ve nagham eeza ivot imin tiina.
20Yau naghita besooŋa tsiau David, i irao. Tauta naliŋ ŋgoreeŋ tsiau patabuyaaŋ izala daaba, ve naghuru pa uraat.
21I pale ileep ila yau nimag, ve napaloti irau saawe.
22Tauvene koiŋa irau tiliivo mako, ve zeran sasaghati irau titatani mako.
23Pasaa, yau taug pale namuuŋ pani, ve natatan koiŋa le tapirizi isov. Yes tau tighur koi pani na, yau aat narav zi tisov timataar.
24Yau aat nataghon saveeŋ mbuaaŋ tau nagham pani na, ve lolog isaghavu ariaaŋ, ve naghur poia tsiau izazaa tooni. Pale naleep tomania ve napaloti, leso tapiri ivot imin tiina ve iliiv koiŋa. Tauvene eeza pale imin tiina kat.
25Yau aat nagham eval tiina tileep ila i saamba. Yes tau tileep izi nari to Te Mediterenian, ve ila imuul yaa Euprates ziige.

Read Mbouŋ To Yes Israela 89Mbouŋ To Yes Israela 89
Compare Mbouŋ To Yes Israela 89:13-25Mbouŋ To Yes Israela 89:13-25