Mbouŋ To Yes Israela 82:2-6

²“Yam tane, eez tsiam to ghamuuŋ pooz, iduduuŋ mako. Pale ŋeez o apul ŋgar tana? Saawe tau daaba to taan tigharaat saveeŋ to tamtamon, yam apul zi tivolvool to zeran sasaghati.

³Yam aat apaburigin zi, leso tigharaat saveeŋ to yes tau tapirizi imbool ve yes parooŋa, le iduduuŋ mon. Ve tiyooz pa yes tau tileep ila pataŋani loolo, ve yes tau lezi uleeŋ eta mako na, ve tiuul zi pa pataŋani toozi.

⁴Tauvene yes tau tapirizi imbool, ve yes mbolaaŋa, yam irau matamim pazi, ve agham mulin zi ila zeran sasaghati nimazi.

⁵Eemon yam aghamgham tauvene mako. Lemim ghilalooŋ mako. Ŋgar tsiam ivot soone. Laghooŋ tsiam, yam ataghon ŋgar to ndoroom. Tauta ŋgar ve tutuuŋ naol tau timin puughu pa lepoogh poia izi taan na, yam avaghamunia le isaghat kat.

⁶Onoon, muuŋ yau nawaat gham naghe ‘zimaronŋa.’ Ve nasaav payam naghe: ‘Yam asov amin Maaron Tiina Tau Iliiv Zimaronŋa Tisov na natŋa.’