Mbouŋ To Yes Israela 6:1-3

¹Mbouŋ to David Ŋeer tau imuuŋ pa mbouŋ na, aat isaav pa tamtamon to tirav gita ve timbou mbouŋ tane O Yoova, uyaon ghau toman atem yavyav sov. Ve isaav ighe yo ughur pataŋani iŋarui ghau to upaduduuŋ ghau, na ughamu toman atem yavyav kat sov.

²Yoova, yau besooŋa tsio. Lolom isaghatin ghau ve uul ghau lak! Pa tapirig isov wa. O Maaron, ugham ghau tinig poia. Pa tuag isov iyavyav.

³Yoova, lolog ipataŋan kat. Pale upul ghau tauvene ila ila le ŋeez o isov?